وزیراعظم عمران خان نے کہا ہے کہ میچ فکسنگ کے لئے میرے کھلاڑیوں کوبڑی رقوم کا لالچ دیا جارہا ہے۔
وزیراعظم عمران خان نے ٹویٹ میں کہا کہ میں میچ فکسنگ کے خلاف جنگ میں مصروف ہوں۔ میرے کھلاڑیوں کوبڑی رقوم کا لالچ دیا جارہا ہے۔وزیراعظم نے مزید کہا کہ میچ فکسنگ کے خلاف محاذ میں مصروف ہونے کی وجہ سے کراچی ٹیسٹ نہیں دیکھ سکا۔
وزیراعظم عمران خان نے کہا کہ بابراعظم نے شاندارفائٹ بیک کی قیادت کی اورکپتان والی اننگزکھیلی۔ بابراعظم نے عالمی معیار کی بیٹنگ کا شاندارمظاہرہ کیا۔وزیراعظم نے مزید کہا کہ زبردست فائٹ بیک پرپوری ٹیم مبارکباد کی مستحق ہے۔ رضوان اورشفیق کی اننگز خصوصا قابل تعریف ہیں۔
