ریاست کو انتہائی دائیں بازوکے ساتھ سازبازکا سلسلہ بندکرنا ہوگا، ایچ آرسی پی

218

ہیومن رائٹس کمیشن آف پاکستان نے کہا ہے کہ ریاست کوانتہائی دائیں بازوکے ساتھ سازباز کا سلسلہ بندکرنا ہوگا۔

ہفتہ کوسیالکوٹ واقعے پر ردعمل میں ایچ آر سی پی کا کہنا ہے کہ افسوس سے کہنا پڑتا ہے کہ واقعے پر ریاست کا ردعمل بزدلانہ رہا، ہجوم نے بے بنیاد الزامات پر ناقابل تصور بربریت کا مظاہرہ کیا، واقعے کی فوری اور شفاف تحقیقات کرکے مجرموں کو انصاف کے کٹہرے میں لایا جائے۔

ہیومن رائٹس کمیشن پاکستان کا کہنا ہے کہ سیالکوٹ میں ہجوم نے بے بنیاد الزامات پر ناقابل تصور بربریت کا مظاہرہ کیا، پاکستان میں بنیاد پرستی انتہائی تیزی کیساتھ بڑھ رہی ہے۔