بیجنگ: جدید زرعی مشینری اور ٹیکنالوجیز پاکستان کے لیے ایک ناگزیر ہیں ، چین کی جدید زرعی ٹیکنالوجی اور سروس ماڈل کی برآمد سے پاکستان سمیت ‘بیلٹ اینڈ روڈ انیشیٹو’ (بی آر آئی) سے منسلک ممالک کی زرعی ترقی میں بہت زیادہ بہتری آئے گی، ڈیجیٹل زراعت اور مشینی زراعت کو حوالہ جات کے طور پر استعمال کیا جا سکتا ہے اور ان کے مستقبل کے نفاذ کے لیے توجہ مرکوز کی جا سکتی ہے۔
ویل وے انسٹی ٹیوٹ آف سمارٹ ایگریکلچر کے ڈین لیو ژین لی نے گوادر پرو کو انٹرویو میں بتایا ہے کہ کووڈ19 وبائی بیماری کے پھیلنے کے بعد سے، پوری دنیا کو فوڈ سیکیورٹی کے دبا وکا سامنا ہے۔ بی آر آئی ممالک کے لیے، ایگر کلچر کی سائنسی اور تکنیکی سطح کو بہتر بنانا اور زمین کی پیداواری کارکردگی کو معیشت کی ترقی اور لوگوں کے معیار زندگی میں بہتری کے لیے بہت اہمیت حاصل ہے، ڈیجیٹل ترقی سے فائدہ اٹھاتے ہوئے جدید زرعی مشینری اور ٹیکنالوجیز پاکستان کے لیے ایک ناگزیر ہیں، جہاں 84 فی صد اراضی قابل کاشت کے طور پر درجہ بندی کی گئی ہے اور مجموعی گھریلو پیداوار (جی ڈی پی) میں زراعت کا حصہ 26 فیصد ہے، لیکن دیہی آبادی، جو ریڑھ کی ہڈی کی نمائندگی کرتی ہے۔
پاکستان میں کلائمیٹ سمارٹ ایگریکلچر سروے کے مطابق زرعی شعبہ بنیادی طور پر چھوٹے پیمانے پر کسانوں پر مشتمل ہے جو جدید کاشتکاری کی ٹیکنالوجی اور مشینری تک رسائی سے محروم ہیں۔ حال ہی میں بیلٹ اینڈ روڈ ممالک کے لیے ڈیجیٹل تبدیلی پر تیسرا مشترکہ تربیتی پروگرام بیجنگ ٹیکنالوجی اینڈ بزنس یونیورسٹی نے اقتصادی تعاون تنظیم سائنس فانڈیشن کے تعاون سے منعقد کیا۔
اس موقع پر، لیو ژینلے نے ڈیجیٹل زراعت کو اپ گریڈ کرنے کے لیے جامع حل پیش کیا،گوادر پرو کے مطابق لیو نے وضاحت کی کہ پاکستان جدید زراعت کے ڈیجیٹل گرین ہاس تجربے کا حوالہ دے سکتا ہے جسے چین بنا رہا ہے، اپنی اقتصادی فصلوں کے پیداواری پیمانے کو بڑھا سکتا ہے، اور زمین کے استعمال اور فصلوں کی پیداوار کی کارکردگی کو بہتر بنا سکتا ہے۔
پاکستان میں پانی کی کمی کے جواب میں انہوں نے نشاندہی کی کہ پاکستان کم پانی کے وسائل والی فصلوں کی مناسب مانگ کو پورا کرنے کے لیے پورے زرعی میدان میں پانی کی بچت کرنے والی آبپاشی کو فروغ دے سکتا ہے۔ لیو نے کہا اس وبا کے زیر اثر سرحد پار ای کامرس نے تیزی سے ترقی کی ہے اور غیر ملکی تجارت کو مستحکم کرنے میں ایک اہم قوت بن گئی ہے۔
گوادر پرو کے مطابق انہوں نے کہا زرعی مصنوعات کے نئے کراس بارڈر ای کامرس سیلز ماڈلز کو فروغ دینے سے بی آر آئی ممالک کی بہترین مصنوعات کے لیے برانڈز قائم کرنے، دنیا میں علاقائی برانڈز کے بارے میں شعور اجاگر کرنے، اور زیادہ زرمبادلہ کمانے میں مدد ملے گی۔ انسٹی ٹیوٹ آف سمارٹ ایگریکلچر نے چین میں ڈیجیٹل ایگریکلچر اور انڈسٹریل اپ گریڈنگ کو مقبول بنانے میں تیزی سے اضافہ کیا ہے۔
لیو نے کہا کہ مستقبل میں انسٹی ٹیوٹ بتدریج بہترین مصنوعات اور تکنیکی سروسز بی آ رآئی ممالک کو ان کی زرعی ترقی کی ضروریات کے مطابق برآمد کرے گا۔ یونیورسٹی آف سائنس اینڈ ٹیکنالوجی بیجنگ میں پی ایچ ڈی کے پاکستانی امیدوار محمد عرفان حسین نے تربیت میں حصہ لیا، ان کا خیال ہے کہ پاکستان ڈیجیٹل ترقی کے دور میں داخل ہو رہا ہے۔
آ رٹیفیشل انٹیلیجنس ، مشین لرننگ اور دیگر نئی ٹیکنالوجیز کو متعارف کرانے سے کئی سالوں سے موجود مسائل کو حل کیا جا سکتا ہے۔ چین اے آئی کی ایک بہت بڑی مارکیٹ ہے اور چین پاکستان کی زرعی ترقی میں ڈیجیٹل ٹیکنالوجیز متعارف کرانے میں اہم کردار ادا کر سکتا ہے۔
