ہلزبورو کاؤنٹی: گھر سے نکل کر اپنی گاڑی تک جانا اور بیٹھ جانا ایک معمول کاعمل ہےلیکن اگر آپ کی گاڑی کے نیچے سے کوئی خوفناک شے یا جانور نکل آئے تو یقیناً یہ ایک غیرمعمولی اور خطرناک واقعہ بن سکتا ہے۔
ریاست فلوریڈا میں ایسا ہی کچھ ایک امریکی شہری کے ساتھ ہوا جس کی پارک شدہ گاڑی کے نیچے سے ایک مگر مچھ نکل آیا اور اس واقعے میں مقامی پولیس کو ایک کال موصول ہوئی جس میں شہری نے بتایا کہ اس کی گاڑی کے نیچے ایک 10 فٹ لمبا مگر مچھ موجود ہے۔
Let these Tampa officials show you how to get a 10-foot alligator out from under your car. https://t.co/FaRxO8ZoFf pic.twitter.com/TGkhyHDhXB
— ABC News (@ABC) April 7, 2021
کاؤنٹی پولیس کے مطابق کال کے بعد ڈپٹی شیرفس اور وائلڈ لائف اہلکار فوراً موقع پر پہنچے جبکہ وائلڈ لائف اہلکاروں نے پولیس کے ساتھ مل کر اس 10 فٹ سے بھی زیادہ لمبے مگر مچھ کو احتیاط سے باہر نکالا اور اسے قابو کیا۔
مگر مچھ پر کام کرنے والی ریسکیو ٹیم نے بتایا کہ ہوسکتا ہے کہ جانور احاطے کے قریب ایک تالاب سے آیا ہو اور اسے منتقل کرنے سے پہلے اسے گاڑی کے نیچے سے ہٹادیا گیا ہے جبکہ فلوریڈا میں اس طرح مگر مچھوں کے گھومنے پھرنے کے متعدد واقعات ہوئے ہیں۔
خیال رہے مگر مچھ کو قریب واقع ایلی گیٹر فارم پر منتقل کردیا گیا، واقعے کے دوران مگر مچھ یا کسی شخص کو کوئی نقصان نہیں پہنچا۔
