ایران کی وزارت خارجہ کے ترجمان سعید خطیب زادہ نے شام پر امریکہ کے غیر قانونی حملے کی شدید مذمت کی۔
غیر ملکی خبررساں ادارے کے مطابق سعید خطیب کا کہنا تھا کہ شام پر یہ حملہ امریکہ کی مسلسل جارحیت کا تسلسل ہے۔
انہوں نے امریکی افواج کے حوالے سے کہا کہ امریکی افواج شام میں غیر قانونی طور پر موجود ہیں اور ملک کے کچھ علاقوں پر قبضہ کرنے کے علاوہ تیل سمیت قدرتی وسائل کو چوری کر رہی ہیں۔
ترجمان کا یہ بھی کہنا تھا کہ امریکہ کی شام میں مداخلت شام کی خود مختاری کے ساتھ ساتھ بین الاقوامی قوانین کی خلاف ورزی ہے اور فوجی تنازعات کے فروغ اور خطے کے مزید عدم استحکام کا باعث ہے۔
واضح رہے کہ امریکی فوج نے صدر جو بائیڈن کے حکم پر شام پر گزشتہ روز بم باری شروع کردی تھی۔
