راولپنڈی :بھارتی فوجیوں نے ایک بار پھر لائن آف کنٹرول ( ایل او سی ) پر بلا اشتعال انگیز فائرنگ کی، جس کے نیتجے میں 3شہری زخمی ہوگئے۔
پاک فوج کی ترجمان ڈی جی آئی ایس پی آر نے سماجی رابطے کی ویب سائٹ پر ٹوئٹ کرتے ہوئے بتایا کہ بھارتی فوج نے ایل او سی پر رکھ چکری سیکٹر میں بلااشتعال فائرنگ کی ہے ، جس میں بھارتی فوجیوں نے شہری آبادی کو جان بوجھ کر نشانہ بنایا ہے۔
Indian Army troops initiated unprovoked ceasefire violation deliberately targeting civil population in Rakhchikri Sector along #LOC. 3 innocent civilians including 2 women, residents of Akhori village got injured. Pakistan Army troops responded effectively to Indian firing.
— DG ISPR (@OfficialDGISPR) July 29, 2020
بھارتی فائرنگ سے 2خواتین سمیت 3معصوم شہری زخمی ہوئے ہیں، جنہیں فوری طور پر طبی امداد کے لیے قریبی اسپتال میں منتقل کردیا گیا ہے۔
پاک فوج کے جوانوں نے بھی بھارتی فائرنگ کا منہ توڑ جواب دیتے ہوئے فائرنگ کرنے والی بھارتی فوجی چوکیوں کو نشانہ بنایا ہے۔