برطانیہ میں مسافروں سے بھرے طیارےکو بم کی اطلاع پر لندن کے ایئرپورٹ پر ہنگامی لینڈنگ کرنا پڑ گئی۔
بین الاقوامی میڈیا رپورٹس کے مطابق رائن ایئرلائن کی پرواز ایف آر 1902 کو لندن کے اسٹین سٹیڈ ایئرپورٹ پر ایمرجنسی لینڈنگ کروائی گئی ہے۔
پرواز کراکو سے آئرلینڈ کے شہر ڈبلن جارہی تھی کہ دوران پرواز طیارے کے ٹوائلٹ سے ایک تحریر لکھی ہوئی ملی جس میں کہا گیا کہ بیت الخلا میں دھماکا خیز مواد موجود ہے۔
اطلاع ملنے پر کپتان نے کنٹرول ٹاور سے رابطہ کیا اور صورتحال سے آگاہ کیا جس پر طیارے کو فوری طور پر اسٹین سٹیڈ کی جانب موڑ کر ہنگامی لینڈنگ کی اجازت دی گئی۔
Fighter Jets were scrambled this evening to escort a Ryanair jet to Stanstead Airport following an explosives threat left in the toilets, confirmed Ryanair. Flight FR1902 Krakow to Dublin. All passengers are safe and are now being interviewed by Police. @Ryanair #stanstedairport pic.twitter.com/Ts5gGyezbT
— Dublin Digest (@thedublindigest) July 13, 2020
لینڈنگ سے قبل ایئرپورٹ پر تمام ہنگامی انتظامات مکمل کر لیے گئے تھے جب کہ دو لڑاکا طیاروں سے فضا میں مسافر طیارے کو گھیرے میں لے لیا۔
کپتان نے طیارے کو بحفاظت لینڈکروادیا جس کے بعد ہنگامی درواز کھول کر مسافروں کو فوری طور پر انخلا کروایا گیا، تفتیشی ٹیموں نے طیارے کی سرچنگ کی تاہم تلاشی کے دوران کوئی دھماکا خیز مواد برآمد نہیں ہوا۔
حکام کا کہنا ہے کہ تمام مسافروں سے پوچھ گچھ کی جارہی ہے اور ابتدائی تفتیش کے لیے انہیں ایئرپورٹ پر روکا گیا ہے جس بعد دوسری پرواز کے ذریعے انہیں منزل تک پہنچایا جائے گا۔
