دبئی میں پاکستانی قونصل خانہ نے ضرورت مند ہم وطنوں کو راشن کی فراہمی کے لیے آن لائن رجسٹریشن کا آغاز کردیا۔
اپنے آفیشل ٹوئٹر اکاؤنٹ پر قونصل خانہ نے لکھا کہ حکومت دبئی کے 24 گھنٹے کی جراثیم کش مہم اور نقل و حرکت پر اگلے دو ہفتے تک پابندی کے باعث،دبئی و شمالی امارات میں مقیم ضرورتمند پاکستانیوں سے گزارش ہے کہ وہ راشن کے لئےدیے گئے لینک پر رجسٹریشن کروائیں۔
ٹوئٹ میں کہا گیا ہے کہ رجسٹریشن کے بعد درخواست کنندہ سے قونصل خانہ رابطہ کرے گا۔
دوسری جانب قونصل جنرل احمد امجد علی نے کہا ہے کہ وطن جانے والے پاکستانیوں کاڈیٹا جمع کیا جارہا ہے اور اب تک 20 ہزار افراد رجسٹریشن کروا چکے ہیں۔
قونصل جنرل کا کہنا ہے کہ خصوصی پرواز کا بندوبست ہوتے ہی پاکستانیوں کو وطن واپس بھیجا جائے گا۔
حکومت دبئ کے 24 گھنٹے کی جراثیم کش مہم اور نقل و حرکت پر اگلے دو ہفتے تک پابندی کے باعث،دبئ و شمالی امارات میں مقیم ضرورتمند پاکستانیوں سے گزارش ہے کہ وہ راشن کے لئے اس لنک پر رجسٹریشن کریں۔ پاکستان قونسلیٹ دبي آپ سے رابطہ کریگی۔https://t.co/UdYs3Ef2mX
— Pakistan Consulate General Dubai (@PakinDubai_) April 6, 2020