بھارت نے کورونا وائرس کے مریضوں کے لیے ٹرین کی بوگیوں کو قرنطینہ بنانے کا فیصلہ کیا ہے۔
بھارت میں کورونا وائرس کے بڑھتے ہوئے کیسز کے پیش نظر بھارتی حکام کا کہنا ہے کہ کورونا وائرس سے نمٹنے کے لیے خصوصی انتظامات کے تحت 637 بوگیوں کو قرنطینہ بنایا جائے گا۔
اسی حوالے سے بھارتی ریلوے حکام نے کہا ہے کہ ٹرین کی بوگیوں کو طبی سہولیات سے لیس مکمل وارڈ میں تبدیل کیا جائے گا ۔
قرنطینہ میں تبدیل کی جانے والی ٹرین کی بوگیوں میں کھانے پینے کی سہولیات کے ساتھ ساتھ 24 گھنٹے بجلی کی فراہمی کو بھی یقینی بنایا جائے گا۔
حکام کے مطابق یہ اقدام کورونا کے مریضوں کی بڑھتی تعداد کے پیش نظر اسپتالوں پر بوجھ کم کرنے کے لیے کیا جا رہا ہے۔