عالمگیر وبا سے دنیا بھر میں 30 ہزار659 افرادجان کی بازی ہارگئے ہیں اور دنیا میں کورونا سے ایک لاکھ 41 ہزار464 افرادصحتیاب ہوچکے ہیں۔
چین کے شہر ووہان سے دنیا بھر میں پھیلنے والا جان لیوا کورونا وائرس کی تباہ کاریاں جاری ہیں اور اس عالمگیر وبا نے دنیا کے 199 ممالک تک اپنا رخ کرلیا ہے، دنیا بھر میں اس مہلک وائرس سے 30 ہزار 659 لو گ اپنی جان کی بازی ہار گئے ہیں۔
اٹلی میں کورونا وائرس سے پچھلے 24 گھنٹوں میں مزید 889 افراد ہلاک ہونے کے بعد اموات کی تعداد 10 ہزار سے تجاوز کرگئی ہے۔
اٹلی میں 86 فیصد اموات ان افراد کی ہوئیں جن کی عمریں 70 برس سے زیادہ تھیں جبکہ صحت یاب ہونے والوں میں اٹلی میں کورونا سے بیمار101 برس کا شہری صحت یاب ہوکراسپتال سےگھر منتقل ہوگیا ہے تاہم صحت یاب اطالوی شہری کانام ظاہرنہیں کیا گیا تاہم اسےمسٹرپی کہا گیا ہے۔
خطرناک وائرس سے اسپین میں 844 افراد کے ہلاک ہوجانے کے بعد اموات کی تعداد 5 ہزار982 ہوگئی ہے۔
جان لیوا کورونا وائرس نے ایران میں مزید 139 افراد جان لینے کے بعد اموات کی تعداد 2ہزار517 ہوگئی۔
فرانس میں کورونا سے مزید 319 افراد کی ہلاکتوں کے بعد اموات کی تعداد 2 ہزار 314 ہوگئی۔
برطانیہ میں عالمگیر وبا سے مزید 260 افراد ہلاک،اموات کی تعدادایک ہزار19 ہوگئی جبکہ جرمنی 82 اور بیلجیم 64 افراد ہلاک ہوچکے ہیں۔
