دنیا کی معروف ٹیکنا لوجی کمپنیوں گوگل، امازون اور ایپل کے ملازمین بھی کورونا وائرس کی مہلک وباء کا شکار ہوگئے۔
غیر ملکی خب رساں ایجنسی کے مطابق ایپل نے تصدیق کی ہے کہ آئرش شہر کارک میں واقع اس کے صدر دفتر کا ایک ملازم کورونا وائرس کا شکار ہوا ہے۔ آئرلینڈ میں اب تک کورونا وائرس کے 24 واقعات رپورٹ ہوئے ہیں۔ آئرلینڈ میں کورونا وائرس کے خطرے کے پیش نظرسب سے قدیم یونیورسٹی کے”ٹرینٹی کالج” کے تمام لیکچر آن لائن کردیئے گئے ہیں۔
یورپی ممالک میں اٹلی اور فرانس میں کورونا وائرس تیزی کے ساتھ پھیلا ہے تاہم آئرلینڈ میں یہ وائرس زیادہ نہیں پھیلا ہے لیکن حکومت نےاس کے اثرات کو کم سے کم رکھنے کیلئےرواں ہفتے پورے ملک میں ہونے والی سینٹ پیٹرک ڈے کی تمام پریڈز منسوخ کردی ہیں جبکہ وبا سےنمٹنےکیلئے3 ارب یورو کی رقم مختص کردی گئی ہے۔
ایپل کمپنی آئر لینڈ کے سب سے بڑے کاروباری اداروں میں سے ایک ہے نے بتایا کہ وائرس سے متاثرہ ملازمین کو اب قرنطینہ کر دیا گیا ہے۔ محکمہ صحت کے حکام ان کی کڑی نگرانی کررہے ہیں جبکہ متاثرہ افراد کو دوسروں سے ملنے پر پابندی عائد کردی ہے۔
ایپل آئرلینڈ کے دوسرے بڑے شہر کارک میں6 ہزار کارکنوں کو ملازمت فراہم کرتا ہے۔
واضح رہے کہ ڈبلن میں واقع ٹرینٹی کالج نے کہا ایک بیان میں کہا ہےکہ لیکچرز کی پریزنٹیشن 31 مئی تک اسکول کےانٹرنیٹ کے ذریعہ جاری رہے گی۔
