عمران خان جلد افغان طالبان رہنمائوں سے ملاقات کرینگے، نعیم الحق

82

اسلام آباد(صباح نیوز)وزیراعظم کے معاون خصوصی نعیم الحق نے کہا ہے کہ عمران خان جلد طالبان رہنمائوں سے ملاقات کریںگے جس کا مقصد افغان تنازع کا پرامن حل تلاش کرنا ہے ۔افغان حکومت نے اس سلسلے میں رضامندی کا اظہارکردیا ہے ۔وہ بدھ کے روز اسلام آباد میں ایک کانفرنس سے خطاب کررہے تھے جس کا موضوع تھا بدلتی ہوئی علاقائی صورتحال اور پاکستان کا کردار۔نعیم الحق نے کہاکہ افغان صدر اشرف غنی کے حالیہ دورے سے دونوں ملکوں کے درمیان اعتماد کی فضا بحال ہوئی ہے اورا
سمگلنگ کے خاتمے اور مہاجرین کے مسائل حل کرنے پر اتفاق ہوا ہے ۔ بھارت کے ساتھ پاکستان کے موجودہ تعلقات کے بارے میں انہوں نے کہاکہ امید ہے بھارتی وزیراعظم نریندرمودی نومبر میں گورونانک کے جنم دن کے موقع پر کرتار پور کا دورہ کریںگے۔