اسلام آباد: مسلم لیگ ن کے رہنما طلال چوہدری نے کہا ہے کہ تحریک انصاف (پی ٹی آئی) کے بانی عمران خان اپنی سزاؤں کو ختم کرنے کیلئے حکومت پر دباؤ بڑھا رہے ہیں، بانی پی ٹی آئی تکنیکی بنیادوں کے پیچھے نہ چھپیں، وہ اب اس سسٹم کا حصہ ہیں، جن سے کسی قسم کی بلیک میلنگ سے مذاکرات نہیں ہوں گے۔
میڈیا سے گفتگو کرتے ہوئے طلال چوہدری نے کہاکہ بانی پی ٹی آئی سمجھتی ہے کہ شاید اس طرح اسٹیبلشمنٹ یا حکومت دبا ؤ میں آئے گی، ان کے سارے گناہ معاف ہوں گے اور انہیں وزیراعظم ہاؤس لایا جائے گا مگر یہ دن گزر چکے، اب ایسا کچھ نہیں ہوگا۔
انہوں نے کہا کہ توہین عدالت کا قانون پوری دنیا میں ختم ہوچکا ہے اس کی زد میں صرف سیاست دان ہی کیوں آتے ہیں؟ پی ٹی آئی کی حکومت میں معیشت تباہ ہوئی ، جس کی وجہ سے عوام اذیت کی زندگی گزار رہی ہے۔
