ماسکو:واشنگٹن اور ماسکو کے درمیان اختلافات شدت اختیار کرگئے ، امریکہ نے ماسکو میں اپنے سفارتخانے کے ذریعے وضاحت میں کہا کہ امریکی شہریوں کو گرفتاریوں اور ایسے سلوک کا نشانہ بنایا جاتا ہے جس میں شفافیت کا فقدان ہوتا ہے، وہ خفیہ مقدمات میں یا بغیر مصدقہ ثبوت کے مجرم ٹھہرائے جاتے ہیں۔
غیرملکی خبررساں ادارے کے مطابق امریکا نے گزشتہ برس ستمبر میں بھی اپنے شہریوں کو ایسی ہی ہدایات جاری کی تھیں۔یہ درخواست یوکرین میں جنگ اور امریکیوں کو من مانی حراست کا نشانہ بنائے جانے کے امکان کی وجہ سے سامنے آئی ۔
سفارت خانے نے کہا کہ روسی سکیورٹی سروسز نے جھوٹے الزامات کی وجہ سے امریکیوں کو گرفتار کیا ۔ انہیں ہراساں کیا گیا۔ انہیں منصفانہ اور شفاف سلوک سے محروم رکھا گیا۔ قابل اعتماد ثبوت فراہم کیے بغیر ان امریکی شہریوں کو سزائیں بھی جاری کیں۔
بیان میں مزید یاد دلایا گیا کہ روس نے شک کی بنیاد پر ایک امریکی شہری کے خلاف فوجداری مقدمہ بھی کھولا تھا۔سفارت خانے نے امریکی شہریوں روس سے نکلنے کی ہدایت گزشتہ ستمبر میں اس وقت کی تھی جب روسی صدر پوتین نے انہیں جزوی طو ر نقل مکانی کا حکم دے دیا تھا۔
امریکا نے اپنے شہریوں کو فوری طور پر روس چھوڑنے کا مشورہ دیا تھا اور کہا تھا کہ روس دوہری شہریت کو تسلیم کرنے سے انکار کر سکتا ہے۔
