یاد کرو وہ وقت جب ان سے کہا گیا تھا کہ اِس بستی میں جا کر بس جاؤ اور اس کی پیداوار سے حسب منشا روزی حاصل کرو اور حطۃ حطۃ کہتے جاؤ اور شہر کے دروازے میں سجدہ ریز ہوتے ہوئے داخل ہو، ہم تمہاری خطائیں معاف کریں گے اور نیک رویہ رکھنے والوں کو مزید فضل سے نوازیں گے‘‘۔ مگر جو لوگ اْن میں سے ظالم تھے اْنہوں نے اْس بات کو جو اْن سے کہی گئی تھی بدل ڈالا، اور نتیجہ یہ ہوا کہ ہم نے ان کے ظلم کی پاداش میں ان پر آسمان سے عذاب بھیج دیا۔ (سورۃ الاعراف: 161تا162)
سیدنا نعمان بن بشیر رضی اللہ عنہما سے روایت ہے ، رسول اللہؐ نے فرمایا: تم لوگ اللہ کی عظمت کا جو ذکر کرتے ہو، یعنی تسبیح (سْبحَانَ اللہ) تہلیل (لَا اِلہَٰ اِلَّا اللہ) اور تحمید (اَلحَمدْللہ) کے الفاظ کہتے ہو، تو یہ الفاظ عرش کے اردگرد چکر لگاتے ہیں۔ ان کی بھنبھناہٹ جیسی آواز ہوتی ہے جیسے شہد کی مکھیوں کی بھنبھناہٹ۔ اور یہ اللہ کے حضور اپنے کہنے والے کا ذکر کرتے ہیں۔ کیا تم نہیں چاہتے کہ (اللہ کے حضور) تمہارا ذکر ہوتا رہے؟ (ابن ماجہ)
