واشنگٹن: امریکی صدر جو بائیڈن نے کہا ہے کہ ان کی انتظامیہ کے پاس انٹیلی جنس معلومات ہیں کہ روس امریکا پر سائبر حملے کرے گا۔
میڈیارپورٹس کے مطابق ایک تقریب سے خطاب میں انہوں نے کہا کہ اس بات کے واضح اشارے مل رہے ہیں کہ روسی صدر ولادیمیر پوتین حیاتیاتی اور کیمیائی ہتھیاروں کے استعمال پر غور کر رہے ہیں۔ بائیڈن نے کہا کہ روسی الزامات کہ یوکرائن کے پاس حیاتیاتی اور کیمیائی ہتھیار ہیں غلط اور بے بنیاد ہے۔
انہوں نے مزید کہا کہ پوتین دیوار کے سامنے آ گئے ہیں اور اب وہ نئے کمزور دلائل کے بارے میں بات کر رہے ہیں، جس میں یہ دعوی بھی شامل ہے کہ امریکا میں ہمارے پاس یورپ میں حیاتیاتی اور کیمیائی ہتھیار موجود ہیں۔ایسا نہیں ہے۔انہوں نے کہا کہ وہ اس بات کی بھی نشاندہی کرتے ہیں کہ یوکرین کے پاس حیاتیاتی اور کیمیائی ہتھیار ہیں۔
یہ اس بات کی واضح علامت ہے کہ وہ کیمیائی ہتھیاروں کے استعمال پر غور کر رہا ہے۔اس کے علاوہ بائیڈن نے امریکی کمپنیوں سے مطالبہ کیا کہ وہ یوکرین میں ان کی فوجی کارروائی کی وجہ سے ان پر عائد مغربی پابندیوں کے جواب میں ممکنہ روسی سائبر حملوں سے خود کو محفوظ رکھیں۔
