جیلوں کے اندر بہت کرپشن ہے یہ کیسے ٹھیک ہو گا، جسٹس اطہر من اللہ

اسلام آباد ہائیکورٹ چیف جسٹس اطہر من اللہ کی عدالت نے اڈیالہ جیل میں قیدیوں سے ناروا سلوک اور جرائم کے خلاف کیس کی سماعت کی ڈی جی وزارت انسانی حقوق عدالت کے سامنے پیش ہو کر عدالت کو بتایا کہ عدالتی احکامات کی روشنی میں وزارت انسانی حقوق اہم اقدامات اٹھا رہی ہے اس موقع پر چیف جسٹس نے کہا کہ مبینہ طور پر جیلوں کے اندر بہت کرپشن ہے یہ کیسے ٹھیک ہو گا کراچی میں قیدی اسپتال کرائے پر لے کر رہ رہے تھے اس موقع پر ڈپٹی اٹارنی جنرل سید طیب شاہ نے عدالت کو بتایا کہ کراچی کا ماحول اور حالات کچھ مختلف ہیں جس پر عدالت نے کہا کہ نیلسن منڈیلا نے کہا تھا کہ کسی معاشرے کی گورننس کو دیکھنا ہو تو اسکی جیلوں کو دیکھ لیں اس موقع پر ڈی جی انسانی حقوق نے عدالت کو بتایا کہ وزیر انسانی حقوق نے ایک فیکٹ فائنڈنگ کمیٹی بنائی ہے اس موقع پر عدالت نے کہا کہ جیل کے ایک ملزم کے خط سے ظاہر لوا کہ جیلوں میں بھی رول آف لائ نہیں ہےانسانی حقوق کا مسئلہ وفاقی حکومت کا ہے اسے حکومت نے درست کرنا ہے وزارت انسانی حقوق کے ڈی جی نے عدالت کو بتایا کہ اڈیالہ جیل میں 2100 قیدیوں کی گنجائش ہے 5700 موجود ہیں اس موقع پر ڈی جی نے عدالت کو بتایا کہ بھکر اور اڈیالہ جیل میں قیدیوں کی صورتحال دیکھی کہ وہاں بااثر قیدی ہیں اور امتیازی سلوک ہوتا ہے یہاں عدالت کا کہنا تھا کہ یہ ہیومن رائٹس کا ایشو ہے، اکثریت تو انڈر ٹرائل قیدیوں کی ہےسزا نہ ہونے تک ملزم معصوم تصور ہوتا ہے اکثر بے قصور بھی ہوں گے انسانی حقوق کی خلاف ورزیوں کو ختم کرنا ہےکم عمر بچوں کو جیل میں الگ رکھا جا رہا ہے یا نہیں؟وزارت انسانی حقوق نے عدالت کو بتایا کہ بچوں اور خواتین کے لیے الگ بیرکس ہیں اس موقع پر عدالت نے ڈپٹی اٹارنی جنرل سے استفسار کیا کہ کیا آپ کبھی جیل گئے ہیں؟ جس پر طیب شاہ نے عدالت کو بتایا کہ جیل ٹرائل کے لیے جاتا رہا ہوں عدالت نے استفسار کیا کہ جیل ٹرائل کے لیے نہیں کبھی قیدی بن کر جیل گئے ہیں؟وکلائ تحریک میں بہت سارے وکیل بھی جیلوں میں گئے ،اس موقع پر ڈپٹی اٹارنی جنرل نے عدالت کو بتایا کہ ججز کا جیل حکام کو بتائے بغیر جیلوں کا سرپرائز وزٹ ہونا چاہئے عدالت نے کہا کہ کابینہ ممبر اور ججز بھی اگر دو دو تین تین دن جیل رہیں تو سمجھ سکیں گے کہ یہ کتنا مشکل ہوتا ہےعدالت کس کو کہے کہ وہ تین چار دن جیل میں جا کر گزارے اگر میڈیا کو جیلوں میں قیدیوں تک رسائی اور انٹرویوز کی اجازت دی جائے تو اس میں کیا خرابی ہے؟جیل مینوئل پر عمل درآمد ہی نہیں ہو رہا، کسی کو تو اس پر جوابدہ ہونا چاہئےکیس کی سماعت 8 فروری تک ملتوی کر دی گئی۔