لیسکو میں کروڑوں روپے مالیت کے ٹرانسفارمر ڈسٹری بیوشن پر اسرار طور پر غائب ہونے کا سکینڈل منظر عام پر آنے کے بعد لیسکو حکام نے معاملے کی تحقیقات کرانے کا فیصلہ کیا ہے۔ لیسکو ذرائع کے مطابق لیسکو کی مختلف سب ڈویژنوں سے مختلف وجوہات کی بنا پر اتارے گئے ڈسٹری بیوشن ٹرانسفارمرز کو لیسکو کے سٹور میں جمع نہیں کروایا گیا۔ پر اسرار طور پر غائب کئے گئے ڈسٹربیوشن ٹرانسفارمرز کی مالیت 7 کروڑ 28 لاکھ روپے بتائی گئی ہے۔ یہ بھی بتایا گیا ہے کہ لیسکو حکام نے تمام سب ڈویژنوں سے غائب ہونے والے ٹرانسفارمرز کا ریکارڈ طلب کرلیا ہے اور ریکارڈ فراہم نہ کرنے والی سب ڈویژنوں کے ڈسٹری بیوشن ونگ افسران کے خلاف محکمانہ کارروائی عمل میں لائی جائے گی۔