روس: کیمیکل فیکٹری میں خوفناک دھماکے سے 16افراد ہلاک

ماسکو (انٹرنیشنل ڈیسک) روس کے علاقے ریازن میں ایک کیمیکل فیکٹر کی میں خوف ناک آتش زدگی کے نتیجے میں 16 افراد ہلاک ہو گئے۔ بین الاقوامی خبررساں اداروں کے مطابق واقعہ دارالحکومت ماسکو کے جنو ب مشرقی علاقے ریازن میں پیش آیا،جہاں ایک کیمیکل فیکٹری کے بارود تیار کرنے والے حصے میں دھماکاہوا۔ دھماکے کے نتیجے میں لگنے والی آگ کی زد میں آکر 16 افراد ہلاک ،جب کہ ایک شخص بری طرح زخمی ہو گیا۔ حکام کا کہنا ہے کہ زخمی کی حالت انتہائی تشویش ناک ہے۔ مقامی انتظامیہ نے دھماکے کی وجہ جاننے کے لیے تفتیش شروع کر دی ہے۔