خرطوم (انٹرنیشنل ڈیسک) افریقی ملک سوڈان میں کئی روز سے جاری احتجاجی مظاہروں کے بعد وزیر اعظم عبداللہ حمدوک نے اعلیٰ قیادت کا ہنگامی اجلاس طلب کر لیا ۔ خبررساں اداروں کے مطابق 2019ء میں عمر البشیر کی حکومت کے خاتمے کے بعد سے ملک شدید سیاسی بحران کا شکار چلا آ رہا ہے۔ وزیراعظم نے دارالحکومت خرطوم میں صدارتی محل کے سامنے دھرنا دینے والے ہزاروں مظاہرین سے تحمل کا مظاہرہ کرنے کی اپیل کی ۔ مظاہرین کا کہنا تھا کہ وہ عبداللہ حمدوک کی عبوری حکومت کا خاتمہ چاہتے ہیں۔ادھر وزیراعظم کا کہنا تھا کہ ہنگامی اجلاس کا مقصد ملک کو سیاسی و معاشی بحران سے نکالنا ہے۔