پاکستان نے اقوام متحدہ کے تین اداروں کی رکنیت حاصل کرلی

اسلام آباد(نمائندہ جسارت)پاکستان نے سفارتی محاذ پر اہم کامیابیاں حاصل کرتے ہوئے اقوام متحدہ کے تین اداروں کی رکنیت حاصل کرلی ہے۔ ترجمان دفتر خارجہ کے مطابق پاکستان نے جرائم کی روک تھام اور خواتین سے متعلق کمیشن کی رکنیت حاصل کی ہے۔
ترجمان کے مطابق پاکستان نے پاپولیشن اینڈ ڈولیپمنٹ کمیشن کی بھی رکنیت حاصل کرلی ہے۔ترجمان دفتر خارجہ کا کہنا ہے کہ یکم جنوری 2022 سے پاکستان تینوں کمیشنزکی رکنیت سنبھالے گا،یہ کمیشنز معاشی اور معاشرتی امورپر بین الاقوامی تعاون کا کردار ادا کرتے ہیں۔