اسلام آباد: وزیر اعظم عمران خان کا کہنا ہے کہ عالمی وبا کورونا وائرس کے باوجود پاکستان کی معیشت مثبت سمت کی جانب گامزن ہے۔
سماجی رابطے کی ویب سائٹ ٹوئٹر پر ٹوئٹ کرتے ہوئے عمران خان نے کہا کہ ٹیکسٹائل شعبے کی ترقی معاشی بہتری کی ایک مثال ہے۔
وزیراعظم نے کہا کہ فیصل آباد میں ٹیکسٹائل صنعت کو برآمدی آرڈرز میں نمایاں اضافہ ہوا ہے۔
عمران خان نے مزید کہا کہ وزارت تجارت و صنعت کو معاونت کے لیے ہر ممکن تعاون کی ہدایت کی ہے۔ ٹیکسٹائل صنعت کو بڑھتی ضروریات پوری کرنے کے لیے تعاون فراہم کریں گے۔
The textile sector is one of a number of positive developments in our economy despite COVID 19. pic.twitter.com/29o9QJaM4Q
— Imran Khan (@ImranKhanPTI) November 25, 2020
دوسری جانب وزیراعظم عمران خان ایک روزہ دورے پر آج لاہور پہنچیں گے۔ وزیراعظم سے وزیراعلیٰ عثمان بزدار کی ون آن ون ملاقات ہوگی۔
وزیراعلیٰ صوبے کے امور سے متعلق وزیراعظم کو بریف کریں گے۔
اس کے علاوہ وزیراعظم ایوان وزیراعلیٰ میں مختلف اجلاسوں کی صدارت کریں گے۔ پنجاب حکومت نئے بزنس پارک منصوبے پر وزیراعظم کو بریفنگ دے گی۔
وزیراعظم کو ریور راوی پروجیکٹ میں پیش رفت سے آگاہ کیا جائے گا۔