اسلام آباد: وفاقی وزیر سائنس اینڈ ٹیکنالوجی فواد چوہدری نے سماجی رابطے کی ویب سائٹ ٹوئٹر پر ٹوئٹ کرتے ہوئے کہا ہے کہ آج سے 13 سال قبل پاکستان کی تاریخ کا سب سے بڑا خود کش حملہ ہوا۔
فواد چوہدری نے کہا کہ بے نطیر بھٹو شہید کے قافلے کو ٹارگٹ کیا گیا جس میں 180 لوگ شہید ہوئے اور 500 سے زیادہ لوگ ہاتھوں اور پاؤں سے محروم ہوئے۔
انہوں نے کہا کہ اس دہشت گردی کی ذمہ داری تحریکِ طالبان پاکستان نے قبول کی۔ آج اسی جگہ پاکستان ڈیموکریٹک موومنٹ (پی ڈی ایم) جلسہ منعقد کیا جا رہا ہے۔
فواد چوہدری نے کہا کہ پی ڈی ایم جلسے کی قیادت تحریکِ طالبان پاکستان کے دوست کر رہے ہیں۔
آج سے 13 سال قبل پاکستان کی تاریخ کا سب سے بڑا خود کش حملہ ہوا، بےںطیر بھٹو شہید کے قافلے کو ٹارگٹ کیا گیا 180 لوگ شہید ہو گئے اور 500 سے زیادہ لوگ ہاتھوں اور پاؤں سے محروم ہوۓ اس دہشت گردی کی ذمہ داری TTP نے قبول کی، آج اسی جگہ PDM کا جلسہ ہے اور قیادت TTP کے دوست کر رہے ہیں
— Ch Fawad Hussain (@fawadchaudhry) October 18, 2020