عرب ممالک کے سربراہان کا اسرائیل کی طرف جھکاؤ اور حال ہی میں متحدہ عرب امارات سمیت دیگر خلیجی ممالک کے اسرائیل کے ساتھ دوستانہ روابط کوعرب عوام نے بھاری اکثریت سے ماننے سے انکار کردیا۔
عرب تھینک ٹینک کی جانب سے جاری کردہ رائے عامہ کے جائزےمیں بتا یا ہے کہ عرب ممالک کی عوام نےبھاری اکثریت سےاسرائیل کو تسلیم کرنے کی مخالفت کی ہے، سروے میں 88 فیصد عوام نے اسرائیل کو تسلیم کرنے کی مخالفت کی جبکہ صرف 6 فیصد نے حامی بھری۔
سروے کے دوران ہرعرب ملک کے عوام سے الگ الگ رائے لی گئی ہے، الجزائر میں 99 فیصد اور اردن میں 93 فیصد لوگوں نے اسرائیل کو تسلیم کرنے کی مخالفت کی
خلیجی ممالک میں عوامی سطح پر اسرائیل کو تسلیم کرنے کا مجموعی تناسب 90 فیصد رہا،سعودی عرب میں 65 فیصد رائے دہندگان نے اسرائیل کو تسلیم کرنے کی مخالفت کی اور 29 فیصد نے اس حوالے سے کوئی رائے دینے سے انکار کیا۔
دوسری جانب اسرائیل کے ساتھ روابط کیلیے بےچین سوڈان کے 79 فیصد عوام نے اسرائیل کو تسلیم کرنے کی مخالفت کی ۔
سروے میں 13 عرب ممالک شامل تھے ان میں موریتانیہ، مراکش، الجزائر، تونس، مصر، سوڈان، فلسطین، لبنان، عراق، سعودی عرب، کویت اور قطر شامل ہیں۔
سروے کے دوران تھینک ٹینک ٹیم نے 28 ہزار سے زائد شہریوں کی رائے لی۔
