سرینگر: مقبوضہ وادیِ کشمیر میں بھارتی مظالم کا پردہ چاک کرنے پر خاتون صحافی مسرت زہرا کو ریاست مخالف سرگرمیوں میں ملوث ہونے کے الزام میں گرفتار کرلیا۔
کشمیر میڈیا سروس کے مطابق مقبوضہ کشمیر میں کشمیری خواتین و نوجوانون کے مسائل اجاگر کرنے اور بھارتی فوج کی ریاستی دہشت گردی سے پردہ چاککرنے کے الزام میں فوٹو جرنلسٹ 26 سالہ مسرت زہرا کو ریاست مخالف جرائم کے لیے اکسانے کا مواد پوسٹ کرنے کا الزام میں گرفتار کرلیا گیا ۔
قابض فوج نے صحافی خاتون پر الزام عائد کیا ہے کہ فیس بک پر نوجوانوں کو ریاست مخالف جرائم کیلئے اکسانے کا مواد پوسٹ کیا گیا۔
پولیس نے دعویٰ کیا ہے کہ مستند ذرائع سے خبر ملی تھی مسرت زہرا فیس بک پر مجرمانہ انداز میں ریاست مخالف پوسٹس کررہی ہیں۔
دوسری جانب مسرت زہرا کا کہنا ہے کہ ان کے خلاف مقدمہ گزشتہ برسوں کے دوران شائع ہونے والے کام کو فیس بک پر دوبارہ پوسٹ کرنے پر درج کیا گیا۔
