کینیڈین وزیراعظم جسٹن ٹروڈو کورونا وائرس کے خدشے کے پیش نظر ملک کی تمام سرحدیں اور فضائی روٹس بندکرنے کے احکامات جاری کردئیے۔
کینیڈین وزیراعظم جسٹن ٹروڈو کی جانب سے جاری اعلامیے کے مطابق 18 مارچ کے بعد کینیڈا کی تمام سرحدیں اور فضائی روٹس بند کردئیے جائیں گے۔
غیر ملکی خبر رساں ایجنسی کےمطابق جسٹن ٹروڈو کی جانب سے فیصلہ ملک کے تمام 10 صوبوں میں کورونا وائرس پھیلنے اور313 تصدیق شدہ کیس رپورٹ ہونے کے بعد کیا گیا ہے۔اوٹاوا میں اپنی رہائش گاہ کے باہر میڈیا سے گفتگو کرتے ہوئے کینیڈین وزیراعظم جسٹس ٹروڈو نے اپنے ملک کو مکمل طور پر لاک ڈاون کرنے کا اعلان کیا ہے۔
فرانس میں فوج کی تعینات کررہے ہیں، فرانسیسی صدر
دوسری جانب فرانسیسی صدر عمانویل میکروں نے قوم سے خطاب کرتے ہوئے کہا کہ کورونا وائرس سے متاثرہ علاقوں میں فوج تعینات کررہے ہیں جبکہ کورونا کی روک تھام کے لیے حکومت سخت فیصلوں کی تیاری کررہی ہے۔
صدر عمانویل میکروں نے کہا کہ کورونا کی روک تھام کے سلسلے میں ملک کی سرحدیں سیل کی جا رہی ہیں اور سب سے زیادہ متاثرہ علاقے شینگن کو نو فلائی زون قرار دیا گیا ہے۔ کورونا کے حوالے سے قرنطینہ کی مدت 15دن ہوگی۔ اس فیصلے کی خلاف ورزی کرنے والوں سےسختی سے نمٹا جائے گا۔
صدرمیکروں نےکہا کہ فرانس اس وقت کرونا کے خلاف حالت جنگ میں ہے اور ہم بہت مشکل دور سے گزررہے ہیں۔
