وفاقی کابینہ نےمہنگائی میں کمی کیلئے 15 ارب روپے کے ریلیف پیکج کی منظوری دے دی ہے
کابینہ اجلاس کے بعد میڈیا کو بریفنگ دیتے ہوئے وزیراعظم کی معاون خصوصی برائے اطلاعات ڈاکٹر فردوس عاشق اعوان نے کہا کہ کابینہ اجلاس میں معاشی ٹیم اورمتعلقہ اداروں نے وزیراعظم کوبریفنگ دی۔
انہوں نےکہا کہ کابینہ نے کمرتوڑمہنگائی میں کمی اور قیمتوں میں استحکام کیلئے15 ارب روپے کےریلیف پیکج کی منظوری دےدی ہے،جس کے تحت یوٹیلیٹی اسٹورکارپوریشن کوآئندہ 5ماہ تک ماہانہ 2ارب سبسڈی فراہم کی جائیگی، اسٹورزپرآٹا،چینی،چاول،دالیں اورگھی کی قیمتو ں میں سبسڈی دی جائیگی۔
فردوس عاشق اعوان نے کہا کہ مرحلہ وارسپورٹ پروگرام ترتیب دیاگیاہے،یوٹیلیٹی اسٹورپر20کلوآٹے کاتھیلا800 اورچینی70روپے کلوہوگی،چاول اوردالوں کی قیمتوں میں15سے20روپے کمی کی جائیگی۔
انہوں نے کہا کہ یوٹیلیٹی اسٹورزکارپوریشن کے اشتراک سے2ہزاریوتھ اسٹورزکھولے جارہے ہیں، 12 کیش اینڈکیری اسٹورزقائم کیے جارہے ہیں۔
معاون خصوصی نے کہاکہ حکومت ماہ رمضان سے پہلے راشن کارڈکااجرابھی کردے گی جبکہ چینی کی قیمت کومستحکم رکھنے کیلئے کابینہ نےدرآمدپرپابندی ختم کردی ہے۔
