لاہور : بنگلہ دیش کرکٹ بورڈ (بی سی بی) نے دورہ پاکستان کے دوران صرف ٹیسٹ میچز کھیلنے کی خواہش کا اظہار کردیا ۔
پاکستان کرکٹ بورڈ اور نجی ویب سائٹ کے مطابق رواں ہفتے بنگلا دیش کرکٹ ٹیم کے دورہ پاکستان کا اعلان ہونے کا امکان ہے جبکہ مجوزہ شیڈول میں تبدیلی بھی متوقع ہے، جس میں 2 ٹیسٹ اور 3 ٹی ٹوئنٹی میچز شامل ہیں۔
دورہ بنگلہ دیش کے دوران کھیلے جانے والے ٹیسٹ میچز انٹرنیشنل کرکٹ کونسل (آئی سی سی) ٹیسٹ چیمپئن شپ کا حصہ ہیں۔
ذرائع کے مطابق پاکستان اور بنگلادیش کی ٹیسٹ سیریز 30 جنوری تا 15 فروری تک ہونےکے آپشن زیرغور ہے۔
علاوہ ازیں پاکستان کرکٹ بورڈ (پی سی بی) نے 3 ٹی 20 میچز لاہور جبکہ 2 ٹیسٹ میچز راولپنڈی اورکراچی میں کرانے کی تجویز پیش کی ہے۔
یاد رہے کہ بنگلہ دیش کرکٹ بورڈ کے سیکیورٹی وفد نے رواں سال اکتوبر میں پاکستان کا دورہ کیا تھا جس کے بعد بنگلا دیش ویمن کرکٹ ٹیم اور انڈر 16 کرکٹ ٹیموں نے بھی پاکستان کا دورہ کیا جس کا مقصد قومی ٹیموں کے دورے کیلئےکیے گئے سیکیورٹی انتظامات کا جائزہ لینا تھا۔
 نے دورہ پاکستان کے دوران صرف ٹیسٹ میچز کھیلنے کی خواہش کا اظہار کردیا ۔){kind=link}