انٹرنیشنل کرکٹ کونسل (آئی سی سی)نے ویسٹ انڈین بلے باز نکولس پورن کو پال ٹیمپرنگ کرنے پر معطل کردیا۔
تفصیلات کے مطابق ویسٹ انڈین بلے باز نکولس پورن نے افغانستان کے خلاف تیسرے ون ڈے میچ کے دوران بال کو انگوٹھے کے ناخن سے کھرج کر اسے خراب کرنے کی کوشش کی تھی جس پر آئی سی سی نےنکولس پورن کو چار میچز کے لیے معطل کردیا۔آئی سی سی کی جانب سےکھلاڑی کو 5 ڈی میرٹ پوائنٹس بھی دئیے گئے۔
نکولس پورن نے اپنے جرم کا اعتراف کرتے ہوئے ویسٹ انڈیز اور افغان مداحوں سے معافی مانگ لی ہے۔ویسٹ انڈین بلے باز نکولس پورن میچ میں بولنگ کررہے تھے تاہم انہیں کوئی وکٹ نہیں مل سکی تھی جس کے لیے انہوں نے بال ٹیمپر کی اور ویڈیو میں تمام منظر محفوظ ہوگیا۔
