خواتین میں بانجھ پن بڑھنے کی وجہ سامنے آگئی

472

میک اَپ اور جلد کی نگہداشت کے لیے استعمال کی جانے والی مصنوعات میں اکثر ایسے کیمیکل استعمال کیے جاتے ہیں جو خواتین کو بانجھ بلکہ بریسٹ کینسر کا شکار بنا سکتے ہیں۔
یہ دعویٰ امریکا میں ہونے والی ایک طبی تحقیق میں سامنے آیا۔
جارج میسن یونیورسٹی کی تحقیق میں بتایا گیا کہ ان مصنوعات میں مختلف کیمیکل ہیں۔
اس تحقیق کے دوران 143 صحت مند خواتین کے نمونوں کا تجزیہ کیا گیا۔
نتائج سے معلوم ہوا کہ ان کے نمونوں میں ایسٹروجن اور پروجسٹرون ہارمونز کی سطح غیرمعمولی حد تک زیادہ ہے۔
ایسٹروجن کی سطح میں بہت زیادہ اضافہ خواتین کے جسمانی نظام میں ایسی تبدیلیوں کا باعث بنتا ہے جو کہ بانجھ پن کا باعث بن جاتی ہیں۔
اسی طرح پروجسٹرون ہارمون کی بہت زیادہ مقدار بریسٹ کینسر کا خطرہ بڑھاتی ہے۔
اس سے قبل ایک طبی تحقیق میں یہ بات سامنے آئی تھی کہ ؟؟؟جو کہ کاسمیٹکس اور جلدی نگہداشت کی مصنوعات میں استعمال ہونے والا کیمیکل ہے، کینسر کا باعث بن سکتا ہے۔ جبکہ بی پی اے نامی کیمیکل جو کہ پروفیومز میں استعمال ہوتا ہے، اس کا تعلق بانجھ پن سے جوڑا گیا۔
محققین کا کہنا تھا کہ یہ اپنی نوعیت کی پہلی تحقیق ہے جس میں میک اَپ مصنوعات میں استعمال ہونے والے مختلف کیمیکلز کا تجزیہ صحت مند اور جوان خواتین میں کیا گیا۔
ان خواتین کے خون کے نمونے بھی لیے گئے تاکہ ان کے ہارمونز کی سطح کا تعین کیا جاسکے۔
نتائج سے معلوم ہوا کہ ان مصنوعات میں موجود کیمیکل خواتین کے ہارمونز کی سطح بڑھاتے ہیں۔
محققین کا کہنا تھا کہ نتائج سے ثابت ہوتا ہے کہ میک اَپ کے استعمال کے حوالے سے خواتین کو احتیاط کرنے کی ضرورت ہے اور ان میں کیمیکلز کے استعمال پر نظر رکھنی چاہیے۔

حصہ