خواب

بڑھتی ہوئی مہنگائی اور ملکی حالات کو دیکھ کر یہ سوال آپ کے اذہان میں بھی گونجتا ہوگا کہ کیا ہمیں واپس لوٹنا ہو گا ؟ اگر ہم اپنے ماضی کی طرف نظریں دوڑائیں تو دیکھیں گے کہ ہماری کچھ روایات تھیں اور ایک مخصوص طرز زندگی تھا۔ بزرگ اشخاص اکثر یہ بیان کرتے ہیں کہ صبح کے وقت ہمیں لسی ملتی تھی۔ لسی ایک بہترین اور صحت افزاء مشروب ہے۔ اس کی وجہ سے اس دور کے لوگوں کے اندر طاقت تھی۔ ذرائع آمد و رفت کے لیے اونٹ اور گھوڑے استعمال ہوتے تھے اور لاہور جیسے بڑوں شہروں میں ٹانگے بہترین سواری تھے۔ پھر وقت بدلا انڈسٹریل ڈیولپمنٹ ہوئی لسی کے مشروب کی جگہ چائے اور کافی نے لے لی اور اونٹ، گھوڑوں کی جگہ بسوں اور کاروں نے لے لی۔ ہر چیز اچھی چل رہی تھی اور ملک پاکستان کے حالات 76 سال ہوگئے ہیں کبھی بھی مکمل طور ٹھیک نہیں ہوسکے ہمیشہ سیاسی عدم استحکام رہا ہے جس کے اثرات عوام آج بھی برداشت کر رہی ہے۔ مہنگائی اس سے قبل بھی ہوتی تھی لیکن جس شرح سے موجودہ دور میں ہوئی ہے اس نے جو رفتار پکڑی ہے اس پرعوام حیران و پریشان ہے۔ اب شاید ہمیں اپنی روایات کی طرف واپس لوٹنا ہوگا۔ ہمیں وہی لسی کا مشروب اطمینان دے گا اور وہی اونٹ، گھوڑے کام آئیں گے۔ یہ بھی حقیقت ہے جب انسان کے پاس معاشی آسودگی ہوتو وہ اپنی طرززندگی کو بہتر بناتا ہے لیکن جب اس طرح کی مہنگائی ہو تو بندہ روایات کا پاسبان بن جائے یہ بہترین عمل ہے۔ ویسے بھی دیکھا جائے تو واپس تو ہمیں لوٹنا پڑے گا۔ موت بھی حقیقت ہے اور ہماری روح نے ایک دن پرواز کر جانا ہے۔ ہمیں واپس اپنے اللہ کے حضور پیش ہونا ہے اور جواب دینا ہے لیکن شاید ظالم طبقہ اس بات سے بے خبر ہے کہ صرف اس مہنگائی میں غریب لوگ روایات کی طرف لوٹیں گے لیکن ظالم طبقہ کو بھی واپس لوٹ کر جانا ہے اور جوابدہ ہونا ہے۔ اگر آج بھی پاکستانی قوم صرف اللہ کی راہ پر واپس آجائے اور احکام دین پر عمل کرے تو اللہ اپنی مدد فرمائے گا۔ آج پورے ملک کی معیشت سود پر چل رہی ہے ہر بینک میں سودی سسٹم ہے اور آئی ایم ایف اور ورلڈ بینک بھی سود پر امداد مہیاء کرتے ہیں۔ ہماری پوری قوم سود کھا رہی ہے اور اسی سود کے متعلق حکم ہے کہ سود والوں کی اللہ اور اس کے رسول سے کھلی جنگ ہے۔ ایک طرف ہم اللہ اور رسول صلی اللہ علیہ وآلہ وسلم سے نعوذ باللہ جنگ کا حصہ ہیں اور دوسری طرف دعائیں کر رہے ہیں اور پریشان ہو رہے ہیں۔ کیا ہم نے پاکستان سود قائم کرنے کے لیے حاصل کیا تھا؟ نہیں ہمیں اللہ کی راہ میں واپس لوٹنا تھا اس وجہ سے پاکستان حاصل کیا تھا۔ آج ہم جیسی عوام تمام کفار ممالک کو گالیاں دیتے تھکتے نہیں ہیں اور پھر ہمیں کہیں ڈالر نظر آجائیں تو منہ میں پانی آجاتا ہے۔ آج پورے سوشل میڈیا پر...

دنیا کے باسی پردہ، حجاب، نقاب، حیا، صرف مسلمان عورت کے ساتھ منسلک کر کے اسے متشدد ہونے کا رنگ کیوں دیتے ہیں۔ حالانکہ حیا کی صفت اپنانے کی تعلیم تو دنیا کے تمام ادیان دے رہے ہیں۔ مصنف Han Licht کے مطابق قبل از اسلام بھی اقوام قدیمہ میں جس قوم کی تہذیب سب سے زیادہ شاندار نظر آتی ہے وہ اہلِ یونان ہیں۔ ان کا ایک دور ایسا بھی تھا جب ان میں خواتین کے پردہ کا رواج تھا اور گھریلو شریف عورت کی معاشرے میں عزت تھی۔ ایتھنز میں بھی شادی شدہ عورتوں کو ان کے کمروں تک ہی محدود رکھا جاتا تاکہ یہ دوسرے مردوں کی نظروں سے محفوظ رہیں اور صرف اپنے شوہروں کے لیے مخصوص رہیں۔ اسی طرح رومیوں کی پرانی تہذیب میں بھی عورت کی حیثیت ایک باوقار اور عفت و حیا کے پیکر کی تھی۔ روم میں جو عورتیں دایہ گیری کا کام کرتی تھیں۔ وہ بھی اپنے گھروں سے نکلتے وقت بھاری نقاب میں اپنا چہرہ چھپا لیتیں تھیں۔ بڑی چادر اوڑھ کر بھی اس کے اوپر ایک قبا اوڑھی جاتی تھی جس کے سبب نا شکل نظر آتی تھی اور نہ ہی جسم کی بناوٹ ظاہر ہوتی تھی۔ جسٹس سید امیر علی عورتوں کے بارے میں عیسائیت کے نکتہ نظر بیان کرتے ہوئے لکھتے ہیں کہ ابتدائی زمانے کے راسخ العقیدہ کلیسا نے خواتین کے لئے ضروری کر رکھا تھا کہ اگر وہ کبھی گھر سے باہر جائیں تو وہ اپنے آپ کو سر سے پاؤں تک لپیٹ لیں۔بائبل کے عہدنامہ قدیم میں بھی "برقع" کا لفظ کئی جگہ ملتا ہے اور بے پردگی پر سخت مذمت کی گئی ہے۔ عہد نامہ جدید میں عورت کا اپنا سر ڈھانپنا ضروری قرار دیا گیا۔ ایران میں بھی پردہ کا رواج تھا۔ بلکہ ایرانی حرم میں تو اس قدر شدت رائج تھی کہ نرگس کے پھول بھی محل کے اندر نہیں جا سکتے تھے کیونکہ نرگس کی آنکھ مشہور ہے۔ عرب کے بارے میں مولانا شبلی نعمانی لکھتے ہیں۔" چہرہ اور تمام اعضاء کا پردہ عرب میں اسلام سے پہلے موجود تھا۔ مندرجہ بالا چند حوالوں سے واضح ہوتا ہے کہ حجاب کی ضرورت و اہمیت اور افادیت مختلف تہذیبوں اور علاقوں میں مسلم رہی ہے اور قرآن مجید میں احکام حجاب کے نازل ہونے سے پہلے بھی حجاب کا رواج تھا۔ موجودہ دور میں بھی کئی غیر مسلم خواتین اسلامی طرز لباس اپنا کر اپنے تجربات بیان کر رہی ہیں اور وہ خود کو اس حقیقت کے اعتراف پر مجبور پارہی ہیں کہ واقعی حجاب و پردہ دراصل عورت کی عزت کا محافظ ہے۔ مغرب و مشرق میں کئی خواتین حجاب کی طرف مائل ہو رہی ہیں اور اپنی حیا و پردگی والی زندگی پر مسرور و مطمئن نظر آرہی ہیں۔ "ناومی والف" امریکہ کی ایک عیسائی خاتون ہیں جو "خواتین کی آزادی اور سوسائٹی میں ان کی عزت و احترام" کے قیام کے لیے کام کرتی ہیں۔ اس سلسلے میں انہوں نے دو کتابیں بھی لکھی ہیں۔ مسلم لباس اور حجاب کے حوالے سے انہوں نے اپنے آپ پر تجربہ کیا کہ اس لباس...

اسلام خدمت انسانیت کا دین ہے۔اس کی بنیاد اخلاقیات،محبت،اخوت اور بھائی چارے پر رکھی گئی ہے۔ اس میں تمام انسانیت کی خدمت کو لازمی قرار دیتے ہوئے عبادت کادرجہ دیا گیا ہے۔ اسلامی تعلیمات میں تمام انسانیت کی خدمت ایک مقدس فریضہ ہے۔ نماز، روزہ، زکوٰۃ، حج کے بعد سب سے افضل اور فرض حقوق العباد کی ادائیگی ہے۔ اللہ رب العزت نے قرآن مجید میں خدمت انسانیت پر اس قدر زور دیا ہے کہ ہمارے جائز اور حلال مال میں محتاجوں اور مساکین کا مخصوص حصہ مقرر فرمایا:’’اور ان کے اموال میں سائل اور محروم (سب حاجت مندوں)کا حق مقررہوتاتھا‘‘(الذاریات 19:51)اسلام خدمت خلق میں رنگ ونسل اور مذہب کا امتیاز نہیں رکھتا ۔پڑوسی کے حقوق ہویا مریض کی عیادت ،مسافر کے حقوق ہوں یا ادائیگی زکوۃ ،کسی قسم کے حقوق العباد میں مسلمان اور غیر مسلم کا فرق نہیں رکھا گیا۔ اسلام میں کسی ایک شخص کی جان کو بچانا پوری انسانیت کو بچانے کے برابر ہے۔ آج نفسانفسی کا یہ عالم ہے کہ انسان ہی انسان کو کاٹ کھا رہا ہے ۔آج کہیں کوئی حادثہ ہوجائے تو لوگ متاثرین کو بچانے کی بجائے اس کو لوٹ لیتے ہیں اخبارات ایسے بے شمار واقعات سے بھرے پڑے ہیں۔ ٹی وی چینلز پر ایسی ویڈیوز دیکھ کر جس میں حادثہ کا شکار افرادہجوم کی طرف امید کی نظروں سے دیکھ رہے ہوتے ہیں مگر انسانیت سے عاری لوگ انکی مدد کرنے کی بجائے یا تو انکی جیبوں کی تلاشی لے رہے ہوتے ہیں یا پھر ویڈیوز بنا رہے ہوتے ہیں۔ بے شک حقوق اللہ کی معافی ممکن ہے مگر حقوق العباد کی معافی نہیں۔ آج بہت کم ایسے لوگ اور ایسی جماعتیں ہیں کہ جن کی زندگیوں کا مقصد اللہ کی رضا حاصل کرنا ہے، اس کے بندوں کی خدمت کرکے اوروہ بلاامیتاز انسانیت کی خدمت میں لگے ہوئے ہیں۔جماعت اسلامی سے بعض مقامات پر شدید نظریاتی اختلاف ہوسکتا ہے مگر اس حقیقت سے کسی صورت انکار ممکن نہیں کہ جماعت اسلامی نے خدمت خلق میں بہت سی نام نہاد’’ خدمت خلق‘‘ کی دعویدار جماعتوں کو پیچھے چھوڑ دیا ہے ۔جماعت اسلامی کاذیلی ادارہ ’’الخدمت فائونڈیشن‘‘کی خدمت سے کسی صورت انکار ممکن نہیں۔ جماعت اسلامی نے جہاں زندگی کے دوسرے شعبوں میں نمایاں خدمات سرانجام دی ہیںوہاں صحت کے شعبے میں مثالی کام کیا ہے ۔لاہور کے دل چوبرجی میں واقع جماعت اسلامی کا ہسپتال ’’ثریا عظیم ‘‘اس کی روشن مثال ہے کہ جہاں پر غریبوں، لاچاروں، محتاجوں کو مفت یا معمولی فیس پر اعلیٰ معیار کے علاج ومعالجہ کی سہولیات میسر ہیں ۔ ڈاکٹر فواد نور( ایم ایس ثریا عظیم)، افتخار احمد چوہدری(سیکرٹری گورننگ باڈی ) خراج تحسین کے مستحق ہیں کہ وہ اتنی محنت ،لگن اور پوری ایمانداری سے انسانیت کی خدمت کررہے ہیں۔ یہ حقیقت ہے کہ جن جماعتوں، اداروں کے سربراہان ایمان دار ،دیانت دار ہوں وہ جماعتیں وہ ادارے کبھی زوال کا شکار نہیں ہوتے ۔یہ ڈاکٹر فواد نور، افتخار چوہدری کی محنت، لگن، ایمان داری اور دیانت داری کی زندہ مثال ہے کہ وہ بے لگام مہنگائی اور شدید بحرانوں کے اس دور میں غریب ،مستحق افراد کو...

ہم جب کسی ایسی جگہ یا سڑک سے گزر رہے ہوں جس کے دونوں اطراف میں ہرے بھرے درختوں اور پھولدار پودے لگے ہوں تو ہماری طبعیت خوش ہو جاتی ہے ایک تازگی اور آنکھوں میں ٹھنڈک کا احساس ہوتا ہے۔ ہمیں پاکستان میں جگہ جگہ کچرے کے ڈھیر اور ابلتے گٹر نظر آتے ہیں یہ ایک بڑا المیہ ہےاس میں ہم ہی قصور وار ہیں ہم سارا ملبہ حکومت اور اداروں پر ڈال کر بری الزمہ نہیں ہوسکتے۔ یہ ہماری ہی غلطی ہوتی ہے جس کی وجہ سے ہماراعلاقہ، شہر اور ملک اس حالت کو پہنچتا ہے۔ ہم اپنے گھر کی صفائی کر کے کچرا باہر رکھتے ہیں کہ کچرے والا اٹھا لے جائے،لیکن ہم میں سے کچھ لوگ چند پیسے بچانے کی خاطر اپنے گھر کا سارا کچرا ندی نالوں اور کھلے گٹروں میں ڈال دیتے ہیں۔جس کی وجہ سے سیوریج کا نظام درھم برہم ہو جاتا ہے۔ اور یہی وجہ ہے کہ پھر جب بارشیں ہوتی ہیں تو ہمارے ملک میں تباہی آجاتی ہے۔ ہمیں چاہیےکہ جیسے اپنے گھر کی صفائی کرکے کچرا کوڑےدان میں ڈالتے ہیں اسی طرح اپنے علاقے کی صفائی کا بھی خیال رکھیں کیونکہ یہ ملک بھی ہمارا گھر ہی ہے۔اور اسے ہم سب نے مل کر خوبصورت بنانا ہے۔ ہم نے خبروں میں دیکھا اور سنا کہ بارشیں ہو ئیں اور ان بارشوں کی وجہ سے ملک کے کئی حصے زیر آب آگئے، کئی دیہات ڈوب گئے، سڑکیں ٹوٹ گئیں لیکن کسی کو یہ خیال تک نہیں آتا کہ آخر ایسا کیوں ہوا یا ہورہاہے۔ اس تباہی کا تعلق کہیں نا کہیں ہم سب سے جڑا ہے۔ جیسا کہ آپ جانتے ہیں کہ ہمارے ملک کے جنگلات تیزی سے ختم ہورہے ہیں۔ کیونکہ جس تیزی سے درخت کاٹے جارہے ہیں اس تیزی سے درخت نہیں لگائے جارہے۔ اب آپ یہ سوچیں گے کہ ہمارا جنگلات کے کٹنے سے کیا تعلق؟ تو بھئی جنگلات سے لکڑی کاٹ کر ہمارے ہی کسی نا کسی کام میں آرہی ہوتی ہے۔ جیسے فرنیچر، دروازے، کھڑکیاں اور بہت سی ہماری روز مرہ کے استعمال کی چیزیں۔ لیکن اگر درخت اسی تیزی سے کٹتے رہے تو ایک دن ہم ان تمام اشیاء سے ہاتھ دھو بیٹھیں گے۔ اس کے علاوہ جنگلات کی وجہ سے ہم سیلابی صورتحال سے بھی بچ سکتے ہیں۔ پہاڑی علاقوں میں درختوں کے ہونے سے بہت فائدے ہیں۔ انہی درختوں کی وجہ سے بارش کا پانی چشموں اور تالابوں کی شکل اختیار کرتا ہے۔ جنگلات سے آبادی والے علاقے سیلابی صورتحال سے محفوظ رہتے ہیں۔ ہمیں اپنے ملک کو ان خطرات سے بچانے کی ہر ممکن کوشش کرنی ہوگی اور اپنے حصے کا کام انجام دینا ہوگا۔ اب آپ کہیں گےکہ وہ کیسے؟ تو وہ ایسے کہ آپ آج سے یہ تہیہ کرلیں کہ آپ کے گھر میں جتنے افراد موجود ہیں وہ سب اپنے اپنے حصے کا ایک ایک درخت لگائیں۔ اگر ایسا ممکن نہ ہو تو کم از کم ایک درخت تو لگا ہی لیں۔ یہ آپ کے لیے ایک صدقۂ جاریہ بھی ہوسکتا ہے اور کوشش کریں کہ اپنے دوست احباب کو بھی تحفے میں...

وطن عزیزمیں ہرنیادن مہنگائی اور بلوں میں اضافےکی خوفناک خبروں سےشروع ہوتاہے۔ عام آدمی کی مشکلات میں بےپناہ اضافہ ہوتاجارہاہے۔ ہر شخص اپنی آمدنی کوبڑھانےکی فکروں میں گم ہے۔ امراض بڑھتےجارہےہیں ادویات کی قلت ہے۔ قوت خریدکم ہورہی ہےاوربےروزگاری عروج پرہےنتیجتا گھرگھرمیں فسادمچاہواہے۔ دنیاکےدھندوں نےہمیں دین سےپوری طرح غافل کردیاہے۔ یہ کہانی توہےعام آدمی کی اورہمارےحکمران طبقے کی عیاشیاں ہیں کہ ان میں کمی کاتصوربھی نہیں۔ ان لوگوں کےبچےباہر، جائیدادیں باہر، بینک بیلنس باہر، رہائش باہر، علاج باہر، پاکستان میں تویہ لوگ صرف حکومت کرنےاتےہیں اورملک کودونوں ہاتھوں سےلوٹ کرواپس پلٹ جاتےہیں۔ جس بستی کےرکھوالےہی ڈاکوہوں اسکی تباہی اوربدحالی میں کیاشک رہ جاتاہے۔ ملک میں بسنےوالوں کی بہت بڑی تعدادتوبنیادی سہولتوں سےپوری طرح محروم ہوچکی ہے۔ یہ لوگ دن بھرمحنت کرکےبھی بھوک مٹانےمیں ناکام ہیں۔ انکی محنت کی کمائی ظالمانہ بلوں اورٹیکسوں کی نظرہوچکی ہے۔ غریب بیچارہ خوراک یاعلاج کےلیے چوری کرلےتواسکی خوب خبرلی جاتی ہے۔ جبکہ اشرافیہ اپنی شاہ خرچیوں کےلیےقومی خزانےکو بھی لوٹ لےتو رعایت کی مستحق ہے۔ عام نوجوانوں کےلیےصحت مندتفریح کےمواقع ختم ہوچکےہیں جبکہ اشرافیہ کےلیےبڑےبڑے گالف کلب سرکاری سطح پرحاضرہیں۔ ڈیرھ لاکھ سرکاری گاڑیاں، مفت پٹرول اورمفت بجلی کی سہولتیں دستیاب ہیں۔ رہائش کےلیےشاندارمحلات، نوکرچاکر، اسپیشل پروٹوکول، بھاری الاؤنسزاورتنخواہیں ہیں۔ 17.4 ارب ڈالرسالانہ افسرشاہی پرخرچ ہورہاہے جبکہ ملک کےکل ذخائرپانچ یاچھ ارب ڈالرز ہیں۔ پچھلےایک سال میں بجلی کے34کروڑ یونٹ اشرافیہ نےمفت استعمال کیے۔ پی ڈی ایم حکومت میں 500ارب روپے کی بجلی چوری ہوئی۔ پرائیویٹ کمپنیاں انتہائی مہنگی بجلی بنارہی ہیں اورعوام ادائیگی پرمجبورہیں۔ غریب فاقہ کش عوام کی محنت کی کمائی سے اشرافیہ کی عیاشیوں کاسامان کیاجارہاہے۔ نئی نسل کودین بےزارتعلیم دی جارہی ہے۔ نوجوانوں کو موبائل کلچرکاعادی بنادیاگیاہےتاکہ نہ وہ بیدار ہوں اورنہ اشرافیہ کی عیاشیوں میں رکاوٹ بنیں۔ اس سنگین صورتحال میں اگرہم گھروں میں بیٹھ کرکوسنے، گالیاں اوربدعائیں دیتےرہیں، ظالمانہ بلوں اورٹیکسوں کی ادائیگی اپنے خون پسینےکی کمائی سےکرتےرہیں۔ بنیادی ضرویات سےمحرومی کےباوجوداگرہم یونہی پس پس کرجیےجائیں گےتو ائی ایم ایف بھی راضی اورہمارادرندہ صفت حکمران طبقہ بھی خوش۔ ہماری بددعاؤں اورکوسنوں سےان لوگوں کوکوئی فرق نہیں پڑےگا۔ دجالی میڈیاکاکام ہےمایوسی پھیلانا۔ ہرطرف یہی صدائیں سننےکومل رہیں ہیں کہ ملک میں لیڈرشپ کافقدان ہےلیکن حقیقت یہ ہےکہ لیڈرشپ موجودہے لیکن ہم پہچاننےمیں غلطی کررہےہیں۔ عام آدمی کےلیےجتنا ریلیف اسلام کےنظام رحمت میں ہے ڈھونڈےسےبھی کہیں اورنہیں مل سکتا۔ حکمرانوں اورذمہ دارافرادکاجتناکڑامحاسبہ خلفائےراشدین کے دورمیں ہوااسکی نظیرپوری انسانی تاریخ میں موجودنہیں۔ ہم اسلام سےڈررہےہیں اسی لیےاسلام پسندوں سےدوررہناچاہتےہیں۔ افسوس کہ جوچیز زندگی بخشنےوالی ہےاسکاتوہم نام بھی لینانہیں چاہتےاورجوچیزہماری موت کاپروانہ لیےہمارے سروں پرسوارہےہم اسی کےپیچھےدوڑرہےہیں۔ اشرافیہ کااسلام بےزاررویہ توقابل فہم ہے۔ وہ جانتے ہیں کہ اسلام آگیاتو خیرنہیں لیکن عام آدمی کی اسلام بےزاری توجاہلانہ حماقت کےسوااورکچھ نہیں۔ ان حماقتوں کاانجام ہم سب کےسامنےہے۔ ماضی کی غلطیوں کی سزاپارہےہیں۔ اب بھی بازآجائیں توہمارےنقصان کی تلافی ممکن ہے۔ لیکن اگرہم نےانکھیں کھولنےسےانکارہی کیےرکھاتوجلدہی پانی سرسےگزرجائےگااورہم چاہ کربھی اپنےاپ کوتباہی سےبچانہیں سکیں گے۔ اگرہم اپنی نسلوں کوتباہی سےبچاناچاہتےہیں توہمیں چاہیےکہ فوری طورپربےدارہوں، متحدہوں، اسلام کے سایہ رحمت میں آئیں، دوست اوردشمن میں تمیزکرناسیکھیں، ایمانداراوراہل لوگوں کوتلاش کریں انکےہاتھوں میں ہاتھ دیں اوراپنےقیمتی ووٹ سے انھیں کامیاب بنائیں۔ اگرہم کچھ کرپائےتواُمیدہےاشرافیہ جمہوریہ پاکستان کواسلامی جمہوریہ پاکستان میں بدل سکیں گے۔ جماعت...