میں ۔۔۔۔۔۔۔۔
میں گمنام سپاہی ۔۔۔۔۔۔
پوسٹ ۔۔۔۔۔۔۔۔ بہت ہی اعلیٰ درجے کی جہاں کوئی خوش نصیب ہی جاسکتا
میری سوچ ۔۔۔۔۔۔۔۔ عقابی
خواب ۔۔۔۔۔۔۔ ایک جنت
کیسی جنت ؟ بس اپنی جنت
جرم ۔۔۔۔۔۔۔۔۔ گمنام ہی رہا
میرا جرم صرف اتنا ہے کہ میں نے مقبوضہ کشمیر میں آنکھ کھولی۔۔۔۔۔۔۔۔
میں نے جب سے ہوش سنبھالا ، خوف و ہراس اور افراتفری کا عالم دیکھا۔
جان کے خوف نے بھوک کا احساس ہی ختم کردیا۔
فاقوں کی تعداد تو اب یاد بھی نہیں مجھے ۔
ہر لمحے اپنے پیاروں کو کھونے کا خوف مجھے جیتے جی مارتا رہا۔
میں مرنے سے نہیں ڈرا ۔۔۔۔۔۔۔۔
لیکن
*میں جیتے جی مرنے سے ڈرتا ہوں…!*
میری وادی میں ہر روز یہ چڑھتا سورج کئی لوگوں کی زندگیوں میں اندھیرے لاتا ہے۔
سوچتا ہوں کیا سب ایک ایک کرکے ایسے ہی چلے جائیں گے اور میری وادی کا آزاد ہونا محض ایک خواب رہ جائے گا ؟
کیا میں بھی بھارتی فوج کے ہتھے چڑھ کر اپنی جان گنوا دوں گا ؟ کیا میرا مقدر بھی یہی ہوگا ؟
میں بھی ایک گمنام موت کو گلے لگاؤں گا؟؟؟؟؟
موت تو آنی ہی ہے،مگر میں اللہ سے جاکر یہ ضرور پوچھوں گا کہ میری وادی کو “شہہ رگ” کہنے والے مجھ جیسے لاکھوں لوگوں کی “شہہ رگ” کٹ جانے کے بعد بھی نہیں اٹھے۔۔۔۔۔۔۔۔
سب وفا کے وعدے دَھرے کے دَھرے رہ گئے،
ہمیں اپنا بھائی ماننے والے ہمیں مرتے دیکھتے رہے۔ہاں بس دیکھتے ہی تو رہے۔۔۔!!
اور لو ۔۔۔۔۔۔۔۔۔ میں بھی چلے جارہا ہوں اسی راہ پر ۔۔۔۔۔۔ انتظار کرنا میری جنت ۔۔۔۔ میں ایک دن ضرور تجھے آزاد کراؤں گا ۔۔۔۔۔۔۔۔۔ ضرور
