مذہب اور سیاسی جماعتیں

پاکستان بنیادی  طور  پر  جمہوریت  پسندوں کا  ملک  ہے لیکن  دوسری  طرف  یہ  بھی  حقیقت  ہے  کہ  ہم  مذہبی  لوگ  بھی   ہیں  پورے  ملک  میں  لاکھوں  مدرسے  ہیں  اور سب  مدرسے  چیرٹی  سے  چلتے  ہیں  پاکستان  سینٹر  برائے انسان دوستی  کے  مطابق پاکستانی  سالانہ  240  ارب  روپے  چیرٹی  کرتے ہیں۔

ہم  12 ربیع  الاول  پورے  جوش  خروش  سے  مناتے  ہیں  اور  رمضان  کا  اہتمام  بھی  بھرپور  طریقے  سے  کرتے  ہیں  ملک  میں  سیاسی  بڑی جماعت  اتنے  لوگ  اکھٹے  نہیں  کر سکتیں  جیتنی  ایک  درمیانے  درجے  کی مذہبی  جماعت کر  سکتی ہے ، میں  وسوخ  سے  کہہ  سکتا  ہوں  ملک  کے کسی  سیاستد ان  کے  پاس  اتنے  پیروکار  نہیں  ہوں  گے  جتنے  صرف  مولانا  طاہرالقادری  کے  پاس  ہوں گے ، اُن کے  بیان  کو  سننے  کے  لئے  لوگ میلوں  سفر  طے کر  کے آتے  ہیں  اور  ساری  رات کھلے  میدان  میں بیٹھ کر  سنتے  ہیں  لیکن  جب  ووٹ  دینے  کی  باری  آتی  ہے  تو  عوام  ہمیشہ  لبرل  لوگوں کو  ہی  ووٹ  کرتے ہیں ۔

مولانا  فضل الرحمن  اور باقی  تمام  مذہبی جما عتوں  کے  سربراہ  جن کا  تعلق  سیاست  کے  ساتھ  ہے  جمہوریت  کے حامی  اور  انقلاب  لانے  کے  دعوے  دار  ہوتے  ہیں لیکن  اگر پاکستان کی تاریخ  میں  دیکھیں  تو  یہ  تمام  مذہبی رہنما  ہر  فوجی  امر کی  گود  میں بھی  بیٹھے  نظر آتے  ہیں۔ہمیشہ  سچی  پاک  صاف  اور  دیانت  سے  بھرپور  سیاست  کی  بات  تو  کرتے  ہیں  لیکن  یہ  نہیں  بتاتے  کے  حکومتوں  کو  ہٹانے  کے  لیے  احتجاجی  مارچ  اور  اجتماعات  کے  لیے  سرمایہ  کہاں  سے  آتا  ہے۔مذہبی  سیاسی  جما عتوں کو  سیاست  ضرور  کرنی  چاہیے  لیکن   اُن  کی  سیاست کا  مقصد  اسلام کو  فائدہ  پہنچانا ہونا  چاہیے  نہ  کے سیاست کو  ذاتی  مقاصد  کے لیے  استعمال کریں۔ ہم  ابھی   مولانا  فضل الرحمن  کا  دھرنا  دیکھ  لیں  یا  2013   اور  2014  کا  مولانا  طاہرالقادری  کا  لانگ  مارچ  یا  آزادی  مارچ  دیکھ  لیں  سب  کا مقصد  ذاتی  ہی  تھا  ۔

سیاسی  صورتحال  بہت  دلچسپ  ہے  مسلم  لیگ ن  نے  مولانا  کا  ساتھ  دے  کر  حکومت  پر  دباؤ  بنایا  اور  نواز  شریف  اور  مریم  نواز  کو  آزاد  کر وا کر پیچھے  ہٹ  گئے  پیپلز پارٹی  کی  صورتحال  بھی  ایسی  ہی  لگ  رہی  ہے  یا  تو  ڈیل  ہو گئی ہے  یا  ہونے  کا  عندیہ  ہے۔  میرے  خیال  میں  آزادی  مارچ  کی  چابی  کہیں  اور  سے  گھمائی  جا  رہی  ہے ، وہ  جگہ  نہ  آزادی  مارچ  کا  کنٹینر  ہے   اور  نہ  ہی  وزیراعظم  ہاؤس  کی  چاردیواری ہے۔ یہ  وہی  جگہ  ہے ، وہی  لوگ  ہیں  جو  2014  میں اُس  وقت  کی  حکومت  پر  دباؤ  ڈالنے  کے  لیے  پی  ٹی  آئی  کو  روڈ  پر  لائے  تھے  اور  126 دن  کا  دھرنہ  دلوایا  تھا۔

  مولانا  فضل الرحمن  کو  نہ  عمران  خان  کے  استعفے  کے  لیے  لایا گیا  ہے  اور  نہ  ہی  حکومت  گرانا  اُن  کا  مقصد  ہے  اُن کو  صرف حکومت  پر  دباؤ  ڈالنے  اور  عمران  خان کو  یہ  بتانے  کے  لیے  لا یا  گیا  ہے کہ یہ  حکومت  آپ  کا  کارنامہ  نہیں ہے ، جیسے  آپ  کو  لایا  گیا  تھا  ویسے  اور  بھی  کوئی  آ سکتا  ہے۔ان  سب  سیاسی  پارٹیوں  کے  لین  دین  کرسی  بچاؤ  ابو  بچاؤ  مہم  میں جن کو  پس پشت ڈال  دیا  گیا  ہے  وہ  عام  عوام  ہیں ۔ سوال  یہ  ہے  کہ عوام  کو  بیوقوف  کون  بنا  رہا  ہے ، سیاسی  اور  مذہبی  جماعتیں  یا  اس  کے پیچھے  کوئی  اور بھی  طاقت  کار فرما  ہےـآپ  پچھلے  ایک  ماہ  کے  ٹی  وی  چینلز کے  پروگرام  دیکھ  لیں  سب  لوگ  اپنے فائدے اور  نقصان  کی  بات  کر  رہے ہیں  چاھے  وہ  حکومتی  جماعت  ہو  یا  دھرنہ  دینے  والے سیاسی  مذہبی  جماعت  کے  لوگ ہوں عوامی  مسائل  ملکی  ترقی  کی  بات  کوئی  نہیں  کر  رہا ۔

جواب چھوڑ دیں