نااہل اور کرپٹ

5 ستمبر کو  فیروزوالا  عدالت  میں احمد  مختار  نامی ایک  وکیل نے  پولیس  خاتون کانسٹیبل  فائزہ  نواز کو  عدالت کے  باہر تھپڑ مارا  اور گالیاں نکا لی۔عینی  شا ہدین  کے مطابق  وجہ  گاڑی  کھڑی کرنے سے منع کرنا  تھا ۔ خاتون کا نسٹیبل  نے  وکیل  صاحب کو  اْس  جگہ  پر  گاڑی  کھڑی کرنے سے  منع کیا ، وکیل کو  یہ بات  ناگوار گزری  اور  اْس  نے خاتون پر  اپنا  غصہ  نکال  دیا۔خاتون نے وکیل کے خلاف  درخواست دے دی ، پولیس  نے  وکیل کو  حراست  میں لے  لیا ،لیکن جب اگلے  دن وہ  عدالت میں پیش  ہوا  تو  جج نے نام کی غلطی پر  وکیل  کو  رہا کر  دیا۔پولیس  نے ریکارڈ میں  احمد  مختار  کی  بجائے  احمد افتخا ر  لکھ  دیا تھا ـ میں  یہ  بات  وسوخ  سے کہہ سکتا ہوں کہ ، پولیس نے یہ غلطی  جان  بوجھ کر  وکیل  کو  بچانے  کے  لیے کی۔افسوس  کی  بات  یہ  ہے  کہ خاتون  کا نسٹیبل  نظام  کا  حصہ  ہونے  کے  باوجود  انصاف  نہیں  لے  سکی  تو  عام  آدمی کو  تھانے سے  انصاف  ملنا  مشکل  نہیں  نا  ممکن  ہے۔ پاکستان  کا  مسئلہ  بہت  سی مافیا  ھیں ، اور  پہلے  والی  حکومتوں کی  طرح  تبدیلی  سرکار  بھی  ان سب گندی  مچھلیوں سے  نمٹنیں میں بری  طرح  ناکام  رہی  ہے  ۔ہم  ساہیوال میں قتل ہونے  والے  خاندان  کا  واقع  دیکھیں  ،  رحیم یارخان  والے  صلاح  الدین  کے  ساتھ جو  پولیس گردی  ہوئی  وہ دیکھیں ، یا  فیروز والا عدالت  میں  وکیل کا  خاتون  کانسٹیبل  کے  ساتھ  بدتمیزی والا معاملہ  دیکھیں۔   208  ارب  کے  قرضہ  جات  کی  معافی  والا  ظلم  دیکھیں ، یا  مشیرخزانہ  حفیظ شیخ  اور گورنر سٹیٹ بنک  رضا  باقر کی  تقرری  والا  معاملہ  دیکھیں ،حکومت  بے  بس  نظر  آئی۔دوسری  طرف  صوبوں  میں  بھی  عمران  خان  کے  دونو ں  وسیم  اکرم  پلس کے  پی  کے  اور  پنجاب  کی  ایڈمنسٹریشن کو  بھی  سنبھالنے  میں بُرے  طریقے  سے  ناکام  ہوئے  ہیں۔بس شہباز گِل  نامی  شحض  ٹویٹر  اور  ٹی وی پر  نوٹس  لیتے  نظر  آتے  ہیں ، لیکن  نتیجہ  کبھی کچھ  نہیں نکلتا ۔عمران  خان  کو  سمجھنا  پڑے  گا کہ  حالات  ان  کے  ہاتھ  سے  نکل  چکے  ھیں ـ وہ  ابھی  بھی  اپنا  قبلہ  درست کر  لیں ، ورنہ  یہ  نا  انصافیاں  عمران  خان  اور  اُن  کی  پوری کابینہ  کو  مٹا دے گیں ، اور ان  کا  نام  لیوا  بھی  کوئی  نہ  ہو گا۔میرا  ماننا  یہ ہے کہ  پچھلی  حکومتیں کرپٹ  تھیں ، اور  عمران خان کی  حکومت incompetent  ہیں ،کرپٹ  لوگ  اداروں  کو  چلاتے  ہیں کیوں کہ  اداروں  کے  چلنے  سے  اُن  کی  کرپشن  چلتی  رہتی  ہے ، لیکن  اس  کے  بر عکس  incompetent  لوگ  اداروں کو  تباہ کر  دیتے  ہیں۔ آپ  اس  وقت  پاکستان کے  کسی بھی  ادارے  کو دیکھ  لیں ، پچھلے  ایک  سال میں پستی  کی  گہرائیوں میں  نظر آئے  گا۔ 5 ستمبر کو  وزیراعظم  کی  ہدایت  پر  27  وزارتوں کو  خط  لکھے  گیے ، یہ  خط  مقرر کردہ  جامع  کاموں  کی  شدید  تاخیرکی وجہ سے  جاری  کیے گیے  ہیں۔  عمران  خان کو  چاہیے کہ  فوری  طور  پرکے  پی  کے  اور خصوصی  طور پر  پنجاب کے وزراعلی  تبدیل کریں ، اور بھی  کچھ  ضروری  اور  سخت  فیصلے  جن کو  لینے کی  ضرورت  ہے  لے لینے    چاہیے،   کیوں کہ پہلے  ہی  ہمیں بہت  زیادہ  دیر  ہو  چکی  ہے  ۔    پاکستان کی  تاریخ  میں  اکانومی  اور  اداروں  کے  ساتھ  اتنا  برا  سلوک  کبھی  کسی  نے  نہیں  کیا۔اگر  ایک  سالہ  کارکردگی  کی  بات  کریں  تو  ڈیم  فنڈ  ہم  کھا  گئے  ہیں ،  پولیس  میں  اصلاحات  ہم  نہیں  کر  سکے،  کو ئی  نیا  اسپتال  بنانا  تو  دور ، پرانے اسپتال ہم  ٹھیک  نہیں کر  سکے ۔تعلیم  کا  نظام  ویسے  کا  ویسا  ہے۔انڈسٹری  بند  ہو  رہی  ہے ، پڑھے  لکھے  اور  سرمایا  دار  ملک  چھوڑ  کر  جا  رہے  ہیں۔ پوری  دنیا  میں کوئی  ملک  ہمارے  ساتھ  نہیں  کھڑا  ہے ، یو اے ای  اور  سعودیہ  جیسے  برادر  ملک  بھی  ہماری  ہاں  میں  ہا ں  نہیں  ملارہے۔سمجھ  نہیں  آ  رہی  خان  صاحب  اور  ان  کو  لانے  والے  ادارے  کس  چیز  کا  انتظار  کر  رہے ہیں۔

جواب چھوڑ دیں