یونہی آسان نہیں ۔۔ یہ تکبیرات بولنا 

اللہ اکبر ، اللہ اکبر

اللہ سب سے بڑا ہے ،۔۔۔۔۔۔

 وطنوں و علاقوں ، مال و زر و سرمائے و عہدے و مادّیت ،

ذات پات و رنگ و نسل و زبان ، شخصیات و پارٹیوں و گروہوں و اسمبلیوں و پارلیمنٹوں و عدالتوں و کچہریوں ، جاگیر داروں و سرمایہ داروں و کمپنیوں ، آئ ایم ایفوں و وائیٹ ہاؤسوں ، بوٹوں و جھنڈوں ۔۔۔۔۔۔۔ ہر چیز سے بڑا ہے ،۔۔۔۔۔

وہ خالق ہے اونٹوں و گھوڑوں و ہاتھیوں ،۔۔۔۔ پہاڑوں و سمندروں و دریاؤں ، آگ و ہواؤں و فضاؤں و صحراؤں و جنگلوں ، آسمانوں و زمینوں ،۔۔۔۔۔ جانوروں و انسانوں و جنوں و فرشتوں ،۔۔۔۔ کائنات کی ہر شے کا ۔۔۔۔۔ پالنے والا ، چلانے والا

اُس نے یہ کائنات ایک خاص و عظیم مقصد کیلئے تخلیق و ترتیب دی ! ۔۔ خصوصاً انسان اُس کی عبدیت و غلامی و بندگی و پوجا و فرماں برداری و اطاعت کیلئے پیدا کیا گیا !

 ایک دن وہ ساری کائنات کو لپیٹ دے گا ،۔۔۔۔ سب کچھ ریزہ ریزہ اور پاش پاش کرے گا  !

پھر وہ ہر ہر شے کا مقصدِ تخلیق کی بابت حساب لے گا ،۔۔۔۔۔

لا الہ الا اللہ

کہ مسلمان ؛ اپنی انفرادی و اجتماعی ، زندگی  کے ہر ہر امر و  معاملے میں  ،۔۔۔۔۔۔  وطنوں و علاقوں ، مال و زر و سرمائے و عہدے و مادّے  ، ذات پات و رنگ و نسل و زبان ، شخصیات و پارٹیوں و گروہوں و اسمبلیوں و پارلیمنٹوں و عدالتوں و کچہریوں ، جاگیر داروں و سرمایہ داروں و کمپنیوں ، آئ ایم ایفوں و وائیٹ ہاؤسوں ، بوٹوں و جھنڈوں ۔۔۔۔۔۔۔۔

غرض مخلوق میں سے کسی بھی شے کو معیارِ حق و باطل تسلیم نہیں کرتا ،۔۔۔۔۔

بلکہ رائج الوقت تمام معیاراتِ خیر و شر  کا انکار و ابطال و ردّ کرکے ،۔۔۔۔۔ واحد و احد و یکتا خدا ، ربُّ العالمین کے  ”الہ”  و معبود ہونے پر ایمانِ رکھتا ہے !!

اس کے ہاں ؛  علم وہ کہلاتا ہے ،۔۔۔ جو خالق السماوات و الارض کے ہاں سے رسول اللہ (صلی اللہ علیہ وسلم) پر نازل ہوا ہو ۔۔۔۔ اور اس کا ثبوت و استحقاق اسے  ”بذریعہ صحابہ” معلوم ہو ۔۔۔۔!!

کامیابی و ناکامی ؛ وہ چیز کہلاتی ہے ،۔۔۔ جسے خدائے واحد کامیابی و ناکامی قرار دے !

اس کے نزدیک خدا کی رضا و خوشنودی عروج کہلاتا ہے اور خدا کی نافرمانی زوال ۔۔۔۔۔!!

اس کیلئے ہر وہ چیز صحیح و غلط ہے جسے خالقِ کائنات صحیح و غلط کہے !!

حلال و حرام ، جائز و ناجائز ،۔۔۔ قانونی و غیر قانونی ۔۔۔۔؛

اس کیلئے صرف وہ اشیاء و امور ہونگے ۔۔۔۔ جنہیں اللہ تعالٰی حلال و حرام ، جائز و ناجائز ، قانونی و غیر قانونی بول دے !!

دوستی و دشمنی ،۔۔۔۔۔۔ پیار و محبت ، نفرت و بغض کے مسائل میں اُس کے جذبات و احساسات پر ربّ تعالٰی غالب و حاکم ہو !

واللہ اکبر ،۔۔۔۔۔ اللہ اکبر

کیونکہ وہ اللہ کے سوا کسی اور کو بڑا نہیں مانتا !

وللہ الحمد

 کہ مسلمان ؛  اپنی زندگی کے ہر موڑ پر ،۔۔۔۔ ہمہ وقت اور ہر پل ؛

اپنی ہر ہر سانس میں ،؛ ۔۔۔۔۔۔۔

 اپنے دین و نبی ایسی سب سے عظیم نعمت پر خدا کا احسان مند و متبع ہو !

اسے زندگی میں کچھ بھی حاصل ہو ۔۔۔۔ یا وہ جو بھی محنت سے پالے ،۔۔۔ تو وہ خدا کے سوا کسی مغرب ، کسی مشرق ، کسی شمال و جنوب ،۔۔۔۔۔۔۔۔۔

 کسی مادّے ، کسی شخصیت ، کسی پارٹی ، کسی ڈنڈے ، کسی بوٹ اور کسی ادارے کی تعریفوں میں ہلکان نہ رہے !

بلکہ ہر صورت ، ہر لمحہ ، ہر لحظہ صرف  ”اللہ رب العالمین”  کا مشکور و ممنون و احسان مند و ضرورت مند و حاجت مند رہے !!

خدا کے سوا ؛ مخلوق میں سے کسی کو بھی نفع و نقصان کا مالک و مختار و مقتدر نہ سمجھے !

پھر ؛

اللہ اکبر کبیرا ۔۔۔۔۔۔ والحمدللہ کثیرا ،۔۔۔۔

 سبحان اللہ بکرۃ و اصیلاً !

کہ مسلمان خدا کے سوا کسی ادارے و شخصیت کو بے عیب و لاریب و معصوم و مقدس نہیں مانتا  ۔۔۔۔۔۔ بلکہ صبح و شام فقط اللہ جل جلالہ کی شان و پاکیزگی بیان کرتا ہے !

حصہ

جواب چھوڑ دیں