نیا فتنہBykea

معروف نیوز چینل “سما ء نیوز ” پر گزشتہ دنوں دکھایا جا نے والاBykea Services کا کلپ نہایت افسوس ناک تھا ۔ جس میں منا ہل نامی لڑکی یونیورسٹی جانے کیلئے بلوچ کالونی سے Bykea Ride بک کرواتی ہیں۔
با ئیکیا بھائی لڑکی کے Ride بک کروانے پر کچھ تذبذب کا شکار دکھائی دیتا ہے مگر بے باک مناہل اسے یقین دلاتی ہے کہ مجھے آپ کے ساتھ بائیک کی سواری پر چلنے میں کوئی Problem نہیں کیونکہ بقول منا ہل کار کی Ride وہ afford نہیں کرسکتی اور بسوں اور ویگنوں کے دھکے کھانے کے بعد وہ یونیورسٹی میں ٹھیک طرح سے پڑھ نہیں پا تی ہیں ۔ اسی لئے انہوں نے اس کا آسان حل نکال لیا اور بائیک کی Ride پر یونیورسٹی جانے لگی ۔
منا ہل کا کہنا ہے کہ وہ ایک انسان پہلے ہے اور بعد میں ایک “عورت” ۔ تو میری پیاری بہن آپ کے کہنے کا مطلب کیا ہے”کیا عورت انسان نہیں ہو تی کیونکہ آپ تو یہ کہہ رہی ہیں کہ میں ایک انسان پہلے ہوں بعد میں عورت”؟
مناہل جی عورت بھی یقیناً انسان ہی کا روپ ہے جس طرح مرد بھی انسان کا ہی ایک روپ ہے۔ آپ پہلے اپنے ذہن کو تو کلیئر کریں اس کے بعد آپ نیشنل ٹی وی پر آکر خواتین کو جتنے چاہیں مشورے دی دیجئے گا ۔ انسان کی عزت و حرمت دونوں ہی روپ میں ہم سب پر لازم ہے ۔ ہاں ہم پر ہمارے دین اور معاشرے کی کچھ حدود ہیں جو کہ ہمارے بھلے کیلئے قائم کی گئی ہیں ۔ ہمارا رب جس نے ہمیں تخلیق کیا ہے بھلا ایسا کیسے ہوسکتا ہے کہ وہ ہی نہ جانتا ہو کہ “ہماری فلاح و بھلائی کس کام میں ہے” اور کس کے کرنے میں نہیں ۔
میری بہن ہم اور ہمارے والدین بھی اسی معاشرے میں رہتے ہوئے تعلیم حا صل کر چکے ہیں اور اب ہمارے بچے بھی حا صل کر رہے ہیں ۔ میرے خیال میں اللہ تعالیٰ کبھی کسی انسان کو اسکی برداشت سے زیادہ مشقت میں نہیں ڈالتا ۔ اب اتنا بھی سہل پسند نہ بنیں کہ اس سہل پسندی کے باعث آپ کسی اور طرح کی مشکل میں پڑ جا ئیں ۔
اگر یہ سب اتنا ہی سادہ اور معقول ہو تو پھر روز بروز Harassment اور Rape کے کیسز کی تعداد بڑھنے کے بجائے گھٹنی چاہئے تھی ۔ اس کے علاوہ “سماء نیوز” کی اینکر بھی بہت اعتماد سے فر ما رہی ہیں کہ منا ہل نے صنف نازک کا Tag اتا ر کر پھینک دیا ہے۔ تو میری بہن عورت کا صنف نازک ہونا ایک حقیقت ہے جسے طب اور سائنس دونوں تسلیم کرچکے ہیں ۔ یہ کوئی خود سا ختہ خطاب نہیں جسے Title کی طرح اتار کر یونہی پھینک دیا جائے ۔
اس کلپ کے اختتام میں منا ہل خوا تین کو خصوصی پیغام دے رہی ہیں کہ زندگی ایک بار ملتی ہے اور جو آسان لگے وہی کرو اور لوگوں کی پرواہ نہ کرو اور یہ نہ سو چو کہ لوگ کیا کہیں گے جب تک تم خوچ کچھ برا نہیں کر رہی ہو”
افسوس کی بات تو یہ کہ مناہل کو یہ تو پتا ہے کہ زندگی ایک بار ملتی ہے مگر شاید وہ یہ نہیں جانتی کہ موت بھی ایک بار ملے گی اور نامۂ اعمال بھی ایک بار ملنا ہے اور حساب کتاب بھی ایک بار ہونا ہے ۔ وہ حساب جس میں ہمیں اللہ تعالیٰ کو جواب دینا ہو گا کہ ہم نے اپنی زندگی میں اللہ تعالیٰ کے بنائے ہوئے قوانین کا کتنا احترام کیا اور ان پر کتنا عمل کیا ۔
اسلام ایک مکمل ضابطۂ حیات کا حامل دین ہے ۔ ہمارا عقیدہ ہے کہ جان مال اولاد سب اللہ تعالیٰ کی دی ہوئی امانتیں ہیں اور آخرت میں ان کے متعلق ہم سے سوال ہو گا ۔ میں ان امانتوں کو شریعت الٰہی کے مطابق استعمال کر نا ہے نا کہ اپنی سہولت اور آسانی کے مطابق ۔
آخر میں “پیمرا”سے درخواست کر تی ہوں کہ وہ ان اشتہارات اور پروگراموں کا فوری نوٹس لیں جو ہماری نوجوان نسل کو بے باکی اور من مانی کرنے پر اکسا رہے ہیں ۔ ہماری بقا اسلامی تعلیمات کو اپنانے میں ہے ۔ “آدھا تیتر آدھا بٹیر ” بن کر اپنا ” اسلامی تشخص” کھو دینے میں نہیں ۔