اسلام آباد(آن لائن)اسلام آبادکی انسداد دہشتگردی عدالت نے ڈی چوک احتجاج پر گرفتار کئے گئے 17مظاہرین کے مزید جسمانی ریمانڈ کی درخواست مسترد کرتے ہوئے انہیں جوڈیشل ریمانڈ پرجیل بھیج دیا۔ڈی چوک میں احتجاج پر گرفتار 17 مظاہرین عدالت میں پیش کئے گئے ۔ملزمان کو انسداد دہشتگردی عدالت کے جج طاہر عباس سپرا کی عدالت میں پیش کیا گیا ۔پراسیکیوٹر عاطف رانجھا کی جانب سے ملزمان کے مزید بیس بیس روز کے جسمانی ریمانڈ کی استدعا کی گئی ۔ملزمان کے وکیل انصر کیانی نے جسمانی ریمانڈ کی مخالفت کر دی ۔پراسیکیوٹر عاطف رانجھا نے کہا کہ کہ ملزمان کا مجموعی طور پر 11 دن کا ریمانڈ ہوا ہے کچھ برآمدگیاں ہو چکی ہیں۔عدالت نے ملزمان کے جسمانی ریمانڈ کی استدعا مسترد کرتے ہوئے جوڈیشل ریمانڈ پر جیل بھیج دیا۔
