نئی دہلی:بھارت میں ایک ٹی 20 میچ میں 37 چھکوں کے ساتھ 349 رنز کا پہاڑ بنا کر نیا عالمی ریکارڈ بنا دیا گیا۔
خبر رساں اداروں کے مطابق بھارت میں ایک ڈومیسٹک ٹی 20 میچ میں سب سے زیادہ رنز کا عالمی ریکارڈ بن گیا، جس میں مجموعی طور پر 37 چھکے مارے گئے۔
سید مشتاق علی ٹرافی میں سکم ٹیم کے خلاف بروڈا ٹیم نے سب سے زیادہ رنز کا ریکارڈ بنایا، جس میں 20 اوورز میں مجموعی طور پر 349 رنز بنائے گئے اور اس کے 5 کھلاڑی آؤٹ ہوئے تھے۔
اس سے قبل آئی سی سی ٹی 20 ورلڈ کپ کے سب ریجنل کوالیفائر میچ میں زمبابوے نے گیمبیا کے خلاف کھیلتے ہوئے سب سے زیادہ 344 رنز اسکور کیے تھے اور اس کے 4 کھلاڑی آؤٹ ہوئے تھے۔ اسی طرح زمبابوے کا ایک اننگ میں سب سے زیادہ 27 چھکے لگانے کا ریکارڈ تھا۔
