کراچی (کامرس رپورٹر) ملک میں ہائی سپیڈ ڈیزل کی فروخت میں جاری مالی سال کے پہلے 5 ماہ میں سالانہ بنیادوں پر 9 فیصد نمو ریکارڈکی گئی ہے۔ او سی اے سی اور انڈسٹری کے اعدادوشمار کے مطابق مالی سال کے پہلے 5 ماہ میں ملک میں 2.89 ملین ٹن ہائی سپیڈ ڈیزل کی فروخت ریکارڈکی گئی جو گزشتہ مالی سال کی اسی مدت کے مقابلہ میں 9 فیصد زیادہ ہے۔گزشتہ مالی سال کی اسی مدت میں ملک میں 2.65 ملین ٹن ہائی سپیڈ ڈیزل کی فروخت ریکارڈکی گئی تھی۔نومبر میں ملک میں 0.79 ملین ٹن ہائی سپیڈ ڈیزل کی فروخت جو اکتوبر کے مقابلہ میں 15 فیصد زیادہ ہے۔ اکتوبر میں ملک میں 0.69 ملین ٹن ہائی سپیڈ ڈیزل کی فروخت ریکارڈکی گئی تھی۔ گزشتہ سال نومبر کے مقابلہ میں رواں سال نومبر میں ہائی سپیڈ ڈیزل کی فروخت میں سالانہ بنیادوں پر 21 فیصد کا اضافہ ہوا۔گزشتہ سال نومبر میں ملک میں 0.65 ملین ٹن ہائی سپیڈ ڈیزل کی فروخت ریکارڈکی گئی تھی جو رواں سال نومبرمیں بڑھ کر 0.79 ملین ٹن ہو گئی۔ جاری مالی سال کے پہلے 5 ماہ میں پی ایس او کے 1.40 ملین ٹن ، اٹک پٹرولیم کے 0.24 ملین ٹن، شیل کے 0.17 ملین ٹن اور حیسکول کے 0.07 ملین ٹن ہائی اسپیڈ ڈیزل کی فروخت ریکارڈکی گئی ہے۔
