کراچی( پ ر)سندھ کلچر سیو آرگنائزیشن کے تحت سندھ کلچر ڈے کے تسلسل میں ثقافتی و میوزیکل شو کا انعقاد 7 دسمبر بروز ہفتہ کو گورنر ہاؤس کراچی میں ہوگا، سندھ کلچر سیو آرگنائزیشن کے بانی و چیئرمین چیئرمین سلیم احمد چانڈیو اور سرپرست اعلی خواجہ احمد مستقیم نے اپنے ایک مشترکہ بیان میں کہا ہے کہ کلچر ڈے کے پروگرام کے مہمان خصوصی گورنر سندھ محمد کامران خان ٹیسوری ہوں گے جبکہ صدارت کے فرائض رکن قومی اسمبلی ڈاکٹر فاروق ستار ادا کریں گے، تقریب میں مختلف شعبہ ہائے زندگی میں نمایاں خدمات انجام دینے والے اہم شخصیات کو کلچر ایوارڈ برائے حسن کارکردگی اور معروف اداکار لیجنڈری مصطفی قریشی کو لائف ٹائم اچیومنٹ ایوارڈ سے نوازا جائے گا، اس موقع پر ملک کے نامور اداکار و گلوکار اپنے فن کا مظاہرہ بھی کرینگے۔
