کراچی: ملکی زرمبادلہ کے سرکاری ذخائر میں مزید اضافہ ہوگیا۔
اسٹیٹ بینک کی جانب سے جاری اعداد شمار میں بتایا گیاہ ے کہ ملکی زرمبادلہ کے سرکاری ذخائر میں 62 کروڑ ڈالر کا اضافہ ہوا ہے۔ یہ اضافہ اے ڈی بی (ایشیائی ترقیاتی بینک) اور دیگر ذرائع سے آنے والی رقم کے بعد ہوا ہے۔
رپورٹ میں بتایا گیا ہے کہ ایشیائی ترقیاتی بینک سے 50 کروڑ ڈالر اور دیگر آفیشل انفلوز سے زرمبادلہ کے سرکاری ذخائر میں 62 کروڑ ڈالر بڑھے ہیں، جس کے بعد مجموعی مالیت 12 ارب 3کروڑ 83 لاکھ ڈالر ہو گئی ہے۔
اسٹیٹ بینک کے مطابق ملک کے مجموعی ذخائر کا حجم 29 نومبر کو 16 ارب 62 کروڑ ڈالر ریکارڈ کیا گیا اور کمرشل بینکوں کے پاس 4 ارب 58 کروڑ 17 لاکھ ڈالر کے ذخائر موجود ہیں۔
