پشاور: پاک فوج کے تعاون سے قائم کردہ سی ٹی ڈی ہیڈ کوارٹرزپشاورکا افتتاح کردیا گیا ۔کور کمانڈر پشاور لیفٹیننٹ جنرل حسن اظہرحیات نے سی ٹی ڈی ہیڈکوارٹرز پشاور کادورہ کیااورنئی تعمیر شدہ بلڈنگ کا افتتاح کیا۔
نئے تعمیرشدہ ہیڈسی ٹی ڈی کوارٹرزمیں جدیدطرز پرکرائم سین یونٹ،ڈیٹا کولیکشن ڈیٹا مائنگ اورفورنزک لیب قائم کی گئی ۔
علاوہ ازیں کورکمانڈر پشاور نے سنٹرل پولیس آفس میں آپریشن روم کا بھی افتتاح بھی کیا جو جدیدمانیٹرنگ سمیت ضلعی رابطوں کیلئے فیوژن سنٹر کا کردار ادا کرے گا،پولیس حکام نے کورکمانڈرکو سی ٹی ڈی کے متعلق تفصیلی بریفنگ دی۔
ہیڈکوارٹرز کی تعمیرسے سی ٹی ڈی کی استعداد کارکو مزید تقویت ملے گی۔ کورکمانڈرپشاور نے خیبرپختونخوا پولیس اورخصوصا سی ٹی ڈی پولیس کی دہشت گردی کیخلاف کارکردگی کو سراہا،پولیس کی استعداد کارکو بڑھانے میں پاک فوج اپنے تمام تروسائل بروئے کار لائے گی۔
