نئی دہلی: بھارت میں نماز جمعہ کے دوران پولیس اہل کار کے نمازیوں پر تشدد کی ویڈیو وائرل ہو گئی۔
خبر رساں اداروں کے مطابق بھارتی دارالحکومت میں ایک پولیس اہل کار نے نماز جمعہ ادا کرتے ہوئے نمازیوں پر تشدد کیا، مقامی میڈیا کے مطابق اہل کار کو ویڈیو وائرل ہونے کے بعد معطل کردیا گیا ہے۔
اندرلوک کے علاقے میں گزشتہ روز مسلمان جمعہ کی نماز سڑک پر ادا کررہے تھے کہ اس دوران پولیس اہل کار نے آکر نمازیوں کو تشدد کا نشانہ بنانا شروع کردیا۔ موبائل میں دیگر اہل کاروں کے ساتھ آنے والے پولیس افسر جو چوکی انچارج بھی ہے، نے نمازیوں کو آتے ہی مارنا شروع کردیا۔ دوران نماز جو مسافر سجدے میں تھے، ویڈیو میں دیکھا جا سکتا ہے کہ پولیس اہل کار انہیں لاتوں سے مار رہا ہے جب کہ ایک نمازی پر اس نے مکے بھی مارے۔ تشدد کی وجہ سے کچھ افراد کی نماز ٹوٹ گئی جب کہ صف میں کھڑے دیگر نمازیوں کو بھی دھکے دیے گئے۔
ویڈیو سوشل میڈیا پر وائرل ہونے کے بعد نمازیوں پر تشدد کرنے والے اہل کار کو معطل کردیا گیا ہے۔
