واشنگٹن: امریکی صدر نے روسی اپوزیشن رہنما الیکسی ناولنی کی موت کا ذمے دار صدر ولادیمیر پیوٹن کو ٹھیرا دیا۔
بین الاقوامی خبر رساں اداروں کے مطابق امریکی صدر جو بائیڈن نے کہا ہے کہ روسی اپوزیشن لیڈر کی موت کے ذمے دار صدر ولادیمیر پیوٹن ہیں۔ ان کی بدعنوانیوں، تشدد اور غلط اقدامات کے خلاف آواز بلند کرنے والے اپوزیشن رہنما الیکسی ناولنی کی موت پر کوئی حیرت نہیں بلکہ غصہ ہے۔ اس کے ذمے دار خود ولادیمیر پیوٹن ہیں۔
واضح رہے کہ روسی صدر کے ناقد اپوزیشن رہنما الیکسی ناولنی گزشتہ روز جیل میں قید کے دوران پراسرار طور پر ہلاک ہو گئے۔
