اسلام آ باد: رواں مالی سال تجارتی خسارے میں 40فیصد کمی ریکارڈ کی گئی ہے،ادارہ شماریات نے تجارتی اعداد و شمار جاری کر دیے۔
ادارہ شماریات کی رپورٹ کے مطابق رواں مالی سال جولائی سے مئی کے دوران 25ارب 79کروڑ ڈالر تجارتی خسارہ رہاجبکہ گزشتہ مالی سال اسی عرصے کے دوران تجارتی خسارہ 43ارب 40کروڑ ڈالر تھا۔
اعداد و شمار کے مطابق جولائی سے مئی برآمدات25ارب 36کروڑ ڈالر اور درآمدات 51ارب ڈالر رہیں جبکہ گزشتہ مالی سال کے اسی عرصے کی نسبت 12.14فیصد کم ہوئیں۔ مئی2023کے دوران بھی برآمدات مئی2022کی نسبت 16.17فیصد کم ہوئیں ہیں، گزشتہ ماہ کے دوران برآمدات 2ارب 18کروڑ ڈالر اور درآمدات 4ارب 27کروڑ ڈالر رہیں۔
رواں مالی سال 32ارب ڈالر کی برآمدات کا ہدف حاصل کرنا مشکل ہو گیا،11ماہ میں برآمدات ہدف کے برعکس 25ارب 36کروڑ ڈالر رہیں، آئندہ مالی سال 2023-24کیلئے بھی 30ارب ڈالر کی برآمدات کا ہدف مقرر کیا گیا ہے۔
