لاہور: پی ٹی آئی کے منحرف رہنما جہانگیر ترین سے آزاد کشمیر کے سابق وزیراعظم سردار تنویر الیاس نے ملاقات کی ہے، جس میں نئی پارٹی بنانے سمیت دیگر امور پر گفتگو کی گئی۔
صوبائی دارالحکومت میں تحریک انصاف کے منحرف رہنما جہانگیر ترین سے ملاقات کے بعد میڈیا سے گفتگو کرتے ہوئے سردار تنویر الیاس کا کہنا تھا کہ جہانگیر ترین کے ساتھ ہونے والی ملاقات میں نئی پارٹی بنانے، پی ٹی آئی چھوڑنے والے ارکان کے مستقبل سمیت دیگر امور پر تفصیلی بات چیت کی گئی۔
سابق وزیراعظم آزاد کشمیر کا کہنا تھا کہ جہانگیرترین کے ساتھ مستقبل میں ساتھ مل کر چلنے پر اتفاق ہوا ہے۔ عوام اعتماد رکھیں، آنے والے دنوں میں اچھی خبریں ملیں گی۔
انہوں نے کہا کہ کوئی گروپ نہیں بنا، سب ایک جگہ اکٹھے ہوں گے۔ پارٹی میں میرا کردار مرکزی ہوگا۔صرف آزاد کشمیر کا نہیں پورے پاکستان کا اسٹیک ہولڈر ہوں۔
