خوشاب، اسلام آباد: اسپیکر قومی اسمبلی راجہ پرویز اشرف نے کہا ہے کہ بلند و بانگ دعوے کرنے والے کتنے آئے اور چلے گے،جھوٹے وعدوں سے کام نہیں بنتا ہے، ہاں گئے وہ لوگ جو کہتے تھے کہ ہم کسی کو نہیں چھوڑیں گے، ضد اور تعصب پر مبنی سیاست اور شخصیات مٹ جاتی ہیں، الیکشن اکتوبر 2023میں ہونگے اور اگلے وزیراعظم بلاول بھٹو زرداری ہونگے۔
ان خیالات کا اظہار انھو ں نے خوشاب میں آئیں کی گولڈن جوبلی کی مناسبت سے منعقدہ تقریب سے خطاب کرتے ہوئے کیا، راجہ پرویز اشرف نے کہا کہ ذولفقار علی بھٹو نے اس ملک کو ایک متفقہ آئین دیا،پیپلز پارٹی نے ہمیشہ ملک اور قوم کی بقا کی جنگ لڑی ہے،بلند و بانگ دعوے کرنے والے کتنے آئے اور چلے گے، ہر دور میں پیپلز پارٹی کو ختم کرنے کی بات کی جاتی رہی ہے۔
انھوں نے کہا کہ عوام کا پیپلز پارٹی اور شہید ذوالفقار علی بھٹو اور شہید بینظیر بھٹو کے ساتھ جو رشتہ ہے وہ کبھی بھی ختم نہیں ہو سکتا، پیپلز پارٹی عوام سے کیے گئے وعدے کو پورا کرتی ہے۔
اسپیکر قومی اسمبلی نے کہا کہ جھوٹے وعدوں سے کام نہیں بنتا ہے، اسپیکر قومی اسمبلیتکبر، ضد اور تعصب پر مبنی سیاست اور شخصیات مٹ جاتی ہیں، پیپلز پارٹی سے مقابلہ کرنے والے سر پر بالٹی رکھ کر باہر نکلتے ہیں،کہاں گئے وہ لوگ جو کہتے تھے کہ ہم کسی کو نہیں چھوڑیں گے۔
اسپیکر قومی اسمبلی نے کہا کہ ہندوستان میں خوشیاں منائی گئیں جس دن کورکمانڈر کے گھر پر حملہ کیا گیا، پاکستان کی فوج ہماری ہے، یہ خطہ شہیدوں اور غازیوں کا خطہ ہے،کرنل شیر خان شہید کی بہادری کی بھارتی افواج کے سربراہ نے بھی تعریف کی ہے، ہمارے شہیدوں نے دشمن کے خلاف جو کامیابی حاصل کی اس کی مثال نہیں ملتی۔
اسپیکر قومی اسمبلی نے کہا کہ پیپلز پارٹی کے بانی کو پھانسی کا پھندے پر لٹکایا گیا لیکن کس نے اپنے اداروں کے خلاف ایک لفظ نہیں بولا۔انھوں نے یقین دہانی کرائی کہ خوشاب کی عوام کے مسائل حل ہونگے، خوشاب میں یونیورسٹی بھی بنے گی اور گیس بھی آئے گی اگر آپ نے بلال بھٹو کو وزیر اعظم بنایا، اگلے وزیراعظم بلاول بھٹو زرداری ہونگے، پیپلز پارٹی اس ملک کی خوشحالی اور ترقی کے لیے کام کر رہی ہے۔
اسپیکر قومی اسمبلی نے کہا کہ جن لوگوں نے اس ملک کے دفاعی اداروں کو نشانہ بنایا ان کو نشان عبرت بنانا ہوگا، الیکشن اکتوبر 2023میں ہونگے اور پیپلز پارٹی آئند الیکشن جیتے گی اور حکومت بنائے گی، انھوں نے علاقے کی نوجوانوں کی تعریف کی اور کہا کہ ایسے بہت کم ہیں جو آگے بڑھ کر عوام کی خدمت کرنا چاہتے ہیں، ملک اظہر اعوان امیدوار صوبائی اسمبلی ، پیپلز پارٹی ضلع خوشاب کے رہنما ؤں ملک نعیم صادق ملک علی ساون اعوان نے بھی گولڈن جوبلی کے موقع پر عوامی اجتماع سے خطاب کیا ۔
وزیر مملکت انڈسٹری تسلیم احمد قریشی نے بھی دعوی کیا کہ آنے والے الیکشن کے بعد وزیر اعظم بلال بھٹو زرداری ہونگے، محترمہ بینظیر بھٹو نے کہا تھا کہ جمہوریت کی خاطر ہمیشہ لڑتی رہوں گی،بینظیر بھٹو نے جمہوریت کی بقا کے لئے اپنی جان کا نذرانہ پیش کیا۔
