شمالی وزیرستان: فورسز کے ساتھ جھڑپ میں 2 دہشت گرد ہلاک

442
شمالی وزیرستان: فورسز کے ساتھ جھڑپ میں 2 دہشت گرد ہلاک

راولپنڈی: شمالی وزیرستان کے علاقے دوسالی میں دہشت گردوں اور فورسز کے درمیان جھڑپ کے دوران دو دہشت گرد ہلاک ہوگئے۔

آئی ایس پی آر کے مطابق دہشت گردوں کی فائرنگ پر سکیورٹی فورسز نے بروقت جوابی کارروائی کی جس کے نتیجے میں دو دہشت گرد مارے گئے، مارے جانے والے دہشت گردوں کے قبضے سے بھاری اسلحہ ، گولہ بارود برآمد کیا گیا ہے، یہ دہشت گرد سکیورٹی فورسز اور شہریوں پر حملوں میں براہ راست ملوث تھے ۔

علاقے میں کسی بھی دہشت گردی کے خاتمے کے لئے کلیئرنس آپریشن جاری ہے ۔ مقامی لوگوں نے دہشت گردوں کے خلاف آپریشن پر اطمینان کا اظہار کیا اور دہشت گردوں کے مکمل خاتمے کے لئے اپنے تعاون کی یقین دہانی کرائی۔