لندن: سابق وزیراعلی پنجاب چودھری پرویز الہی کے صاحبزادے مونس الہی نے اپنے والد کی گرفتاری کے بعد رد عمل دیتے ہوئے کہاہے کہ ہم پی ٹی آئی میں ہیں اور رہیں گے۔
سماجی رابطے کی ویب سائٹ پر ٹوئٹ کرتے ہوئے مونس الہی نے کہا کہ جنوری سے پکڑ دھکڑ کا سلسلہ شروع کیا تھا تب میرے والد نے مجھے یہ کہا تھا چاہے مجھے بھی گرفتار کر لیں، ہم نے عمران خان کا ساتھ دینا ہے۔
جنوری سے پکڑ دھکڑ کا سلسلہ شروع کیا تھا تب میرے والد نے مجھے یہ کہا تھا کہ چاہے مجھے بھی گرفتار کر لیں ہم نے عمران خان کا ساتھ دینا ہے ۔ 3 دن پہلے میرے والد اور والدہ نے یہی چیز دہرائی۔اب کہا جا رہا ہے کہ پولیس نے میرے والد کو جھوٹے مقدموں میں گرفتار کیا ہے۔ ہم انشا ءاللہ پی ٹی… pic.twitter.com/TqbWlkbZ0U
— Moonis Elahi (@MoonisElahi6) June 1, 2023
انہوں نے کہا کہ 3 دن پہلے میرے والد اور والدہ نے یہی چیز دہرائی، پولیس نے میرے والد کو جھوٹے مقدموں میں گرفتار کیا ہے۔
دوسری جانب تحریک انصاف کے وائس چیئر مین شاہ محمود قریشی نے کہا کہ میں پی ٹی آئی کے ساتھ تھا ، ہوں اور رہوں گا۔
