کوئٹہ :صدرمملکت ڈاکٹر عارف علوی دو روزہ دورے پر کوئٹہ پہنچنے پر گورنر بلوچستان سمیت سرکاری افسران نے استقبال کیا ۔ خاتون اول بیگم ثمینہ عارف علوی بھی صدر پاکستان کے ہمراہ ہیں۔ کوئٹہ ائیرپورٹ پہنچنے پر گورنر بلوچستان ملک عبدالولی خان کاکڑ اور اعلیٰ سرکاری آفیسرز نے صدر مملکت کا استقبال کیا۔
گورنر ہائوس کوئٹہ آمد پر بلوچستان کانسٹبلری کے دستہ نے صدر مملکت ڈاکٹر عارف علوی کو سلامی دی۔ گورنر ہاوس کوئٹہ آمد پر صدر مملکت ڈاکٹر عارف علوی سے گورنر بلوچستان ملک عبدالولی خان کاکڑ ون ٹو ون ملاقات کی۔گورنر ہائوس میں ہونے والی ون ٹو ون ملاقات میں اہم سیاسی اور انتظامی امور سمیت باہمی دلچسپی کے معاملات پر تفصیلی بات چیت ہوئی۔
